What's new



ယောက်ျားလေးတိုင်းမှာ ရှိထားသင့်တဲ့ Black T-Shirts အမျိုးအစား (၄) မျိုး

Plain T-Shirt တစ်ထည်လောက် အမျိုးသားတွေရဲ့ ဝတ်စားဆင်ယင်မှုကို လွယ်ကူအဆင်ပြေစေတဲ့ အင်္ကျီအမျိုးအစားတွေက သိပ်များများစားစား မရှိပါဘူး။ အထူးသဖြင့် အနက်ရောင် Plain T-Shirt တွေဟာ ယောက်ျားတစ်ယောက်ရဲ့ နုပျိုမှုနဲ့ ကြည့်ကောင်းစေမှုအတွက် အကောင်းဆုံးရွေးချယ်မှုတစ်ခုပါပဲ။

 

ဒါကြောင့် Black T-Shirt ၄-၅ ထည်လောက်တော့ ကိုယ့်အဝတ်ဗီရိုထဲမှာ ရှိထားသင့်တယ်လို့ ထင်ပါတယ်။ တခြားအဝတ်အစားတွေလိုပဲ Black T-Shirt အမျိုးအစားတွေ အများကြီးရှိပါတယ်။ ယောက်ျားလေးတွေအနေနဲ့ ရွေးချယ်သင့်တဲ့ Black T-Shirt အမျိုးအစားတွေထဲက ၄ မျိုးအကြောင်း ပြောပြချင်ပါတယ်။

(၁) Fitted T-Shirt

T-Shirt – Colors – Collections of Life Style Wears

 

ကိုယ်ကျပ်လို့ အလွယ်ပြောနိုင်ပါတယ်။ ကိုယ်လုံးကိုယ်ပေါက် လှတဲ့သူတွေနဲ့ ပိုလိုက်ပါတယ်။ Fitted T-Shirt တွေကို အားကစားလုပ်တဲ့သူတွေနဲ့ စစ်တပ်တွေထဲမှာ အဝတ်များပါတယ်။ ကိုယ်လုံးသွယ်ပြီး ကျစ်တဲ့သူတွေ ဝတ်ရင်လည်း ကြည့်လို့ကောင်းမယ့် တီရှပ်စတိုင် ဖြစ်ပါတယ်။

 

(၂) Longline T-Shirt

Men's UA Baseline Short Sleeve Long Line T-Shirt | Under Armour

 

ဒီတီရှပ်အမျိုးအစားက နာမည်အတိုင်း ခါးရှည်တဲ့ Oversized အမျိုးအစားထဲမှာ ပါရှိပါတယ်။ အရပ်ရှည်ပြီး ပိန်သွယ်တဲ့ အမျိုးသားတွေ အဝတ်များပါတယ်။ တစ်ခါတလေမှာ Longline T-Shirt ကို အောက်ကခံပြီး အပေါ်ကနေ Bomber Jacket တစ်ထည်နဲ့ တွဲဝတ်နိုင်ပါတယ်။ တကယ်လို့ All Black ဖက်ရှင်မျိုး သဘောကျတယ်ဆိုရင် အောက်မှာ အနက်ရောင်ဂျင်းဖက်ရှင်နဲ့ တွဲဝတ်သင့်ပါတယ်။

(၃) Classic T-Shirt

Black suedette panel slim fit t-shirt | River Island

 

ယောက်ျားလေးတိုင်းလိုလို ဝတ်ဖူးကြတဲ့ တီရှပ်အမျိုးအစားတစ်ခုပါ။ Classic T-Shirt ရဲ့ အားသာချက်က Fit အဖြစ်ကြီးလည်း မဟုတ်သလို Oversized ဖက်ရှင်တွေလို အပွကြီးလည်း မဟုတ်ဘဲ ဘယ်သူဝတ်ဝတ် ဝတ်ရတာ အဆင်ပြေတဲ့ ဖက်ရှင်ဖြစ်ပါတယ်။ လက်တို လည် ဝိုက် Short Sleeve Crew Neck ဖက်ရှင်မျိုးက ဝတ်ရတာ ပိုပြီး သက်တောင့်သက်သာရှိပြီး ပေါ့ပါးတဲ့ ခံစားမှု ပေးပါတယ်။

 

(၄) Crewneck T-Shirt

 

Crewneck တွေက ယောက်ျားလေးတွေနဲ့ အလိုက်ဖက်ဆုံး တီရှပ်ဖြစ်ပါတယ်။ Crewneck T-Shirt ရွေးမယ်ဆိုရင် Slim Fit ဖြစ်ပြီး ပိုလီ   အက်စတာနဲ့အီလက်စ်တိန်းရောထားတဲ့ အသားမျိုး ရွေးသင့်ပါတယ်။ အီလက်စတိန်းတွေက ဆွဲသားဆန်ပြီး ကိုယ်ခန္ဓာလှပမှုကို ပိုပေါ်လွင် စေပါတယ်။

 

Myanmar Textile & Garment Guide

Source:kwee.co

Read 247 times
Rate this item
(0 votes)