သင့်အဝတ်ဗီရိုက သင့်အကြောင်း ပြောပါတယ်။ သင် ဝတ်နေကျ ဖက်ရှင်ဟာ သင့်ပုံရိပ်နဲ့ သင့်အမှတ်လက္ခဏာ ဖြစ်ပါတယ်။ ဒီလိုပြောလို့ သင့်ဗီရိုထဲမှာ နောက်ဆုံးပေါ် အဝတ်အစားတွေချည်း ထည့်ထားဖို့ မပြောပါဘူး။ Minimalist လည်းဖြစ် အခြေခံကျပြီး ဖက်ရှင်လည်း မိတဲ့ အဝတ်ဗီရိုထဲက အသုံးအဆောင် တချို့စာရင်းပဲ မျှဝေသွားမှာပါ။

Plain T-Shirt တစ်ထည်လောက် အမျိုးသားတွေရဲ့ ဝတ်စားဆင်ယင်မှုကို လွယ်ကူအဆင်ပြေစေတဲ့ အင်္ကျီအမျိုးအစားတွေက သိပ်များများစားစား မရှိပါဘူး။ အထူးသဖြင့် အနက်ရောင် Plain T-Shirt တွေဟာ ယောက်ျားတစ်ယောက်ရဲ့ နုပျိုမှုနဲ့ ကြည့်ကောင်းစေမှုအတွက် အကောင်းဆုံးရွေးချယ်မှုတစ်ခုပါပဲ။

ယောက်ျားလေးတွေဟာ အဝတ်အစားများနဲ့ ပတ်သက်ပြီး သာမန်အတိုင်း သဘောထားလေ့ ရှိပါတယ်။ အတော်များများကလည်း ဖက်ရှင်ကြောင့် ခေါင်းမစားချင်တဲ့အထဲမှာ ပါပါတယ်။

Pants တွေကို ဝယ်မယ်ဆိုရင် သွားမယ့်နေရာနဲ့ ကိုယ့်အလုပ်ပေါ် လိုက်ပြီး မတူတာလေးတွေ ဝယ်ထားသင့်ပါတယ်။ သင့်မှာ Jeans Pant တစ်မျိုးတည်းပဲ ဝယ်ထားတယ်ဆိုရင်တော့ သိပ်အဆင်ပြေမှာ မဟုတ်ပါဘူး။ ဘောင်းဘီအမျိုးအစားမတူတာလေးတွေ ဝယ်ထားမယ်ဆိုရင်တော့ သွားချင်တဲ့ နေရာပေါ် ကြည့်ပြီး သင့်ရာလေး ကောက်ဝတ်လိုက်ရုံပါပဲ။