ဖက်ရှင်ဒီဇိုင်နာတို့အတွက် စက်ချုပ်နည်း (စတူဒီယိုနဲ့ ပင်အပ်များ)

အခုပြောပြသွားမှာတွေက ခေတ်ပေါ်ဖက်ရှင်အတွက် ချုပ်လုပ်ပုံတွေသာမကယခုခေတ်မှာ အမြောက်အမြား ချုပ်လုပ်ပြီး

ဖက်ရှင်ထည်တွေကို ထုတ်လုပ်နေတဲ့ အထည်ချုပ်ကဏ္ဍရဲ့ နောက်ဆုံးပေါ် နည်းလမ်းတွေအတွက်ပါ ဖြစ်ပါတယ်။

စာဖတ်ရှုသူအနေဖြင့် တန်ဖိုးထားပြီး အလေးအနက်ထားစေချင်ပါတယ်။ အ၀တ်အစားတွေ ချုပ်လုပ်တဲ့ အခြေခံနည်းလမ်းတွေအတွက် မသိမဖြစ် မတတ်မဖြစ် တတ်ကျွမ်းနားလည်မှုတွေကို ပြောပြသွားမယ်။ ဖက်ရှင်လုပ်ငန်းနယ်ပယ်ထဲမှာ သုံးစွဲတဲ့ နည်းလမ်းတွေကို ပြောပြသွားမယ်။

သာမန် အ၀တ်အစား ချုပ်လုပ်တဲ့သူအဖြစ်မှ ဖက်ရှင်ဒီဇိုင်နာအဆင့်သို့ တက်လှမ်းဖို့ လှေကားထစ်တွေကို ခင်းပေးသွားမယ်။

အခြေခံနည်းလမ်းတွေကို ကျွမ်းကျင်ပိုင်နိုင်မှ လေးစားထိုက်တဲ့ ဖက်ရှင်ဒီဇိုင်နာတစ်ဦး ဖြစ်နေမယ်။ အချုပ်မပိုင်တဲ့ ဖက်ရှင်ဒီဇိုင်နာလို့ အထင်သေးခံရခြင်းမှ လွတ်ကင်းမယ်။ အခြေခံကို တတ်ထားပြီးရင် အဆင့်မြှင့်တင်ပြီး လုပ်ကိုင်ဖို့ မခဲယဉ်းတော့ဘူး။ ကိုယ်ပိုင် ဒီဇိုင်းစိတ်ကူးတွေ ကွန့်မြူးပြီး လုပ်ကိုင်အောင်မြင်ဖို့ပဲ ရှိလိမ့်မယ်။

သွန်သင်ညွှန်ပြတာတွေ များနေတာ တွေ့မယ်။

တတ်နိုင်သရွေ့ လိုက်နာပါ။ အကုန်လုံး လိုက်နာဆောင်ရွက်နိုင်ရင်တော့ အကောင်းဆုံးပေါ့နော်။ ဖက်ရှင်ဒီဇိုင်နာတွေသာမက ဖက်ရှင်ဒီဇိုင်နာ ဖြစ်ဖို့ လျှောက်လှမ်း နေတဲ့သူတွေအပြင် ဖက်ရှင်ကို စိတ်ဝင်စားတဲ့သူတွေအတွက်ပါ ဗဟုသုတတွေ ထည့်ပေးထားတယ်။

ပုံတွေကိုလည်း လိုအပ်သလို သုံးပေးထားတယ်။

အ၀တ်အထည် တည်ဆောက်တဲ့ နည်းလမ်းတွေကို အခြေခံကျကျ အသိပေးထားပါတယ်။

ကျယ်ပြန့်များပြားတဲ့ ပညာနယ်ပယ်ဖြစ်တာမို့ post တစ်ခုနဲ့တင် အပြီးသတ် အစအဆုံး ပြောပြပေးလို့ရမှာ မဟုတ်ဘူး။ Myanmar Textile and Garment Guide မှာ အခါအားလျော်စွာ post တွေ တစ်ခုပြီးတစ်ခု တင်ပေးသွားဖို့ စီစဉ်ထားပါတယ်။

လေကြောတွေ ရှည်နေလို့ စိတ်မရှည် ဖြစ်နေပီလား။

ကဲ . . . စလိုက်ကြရအောင်။

Getting Started!!!

စတူဒီယို Studio

*****************

ဖက်ရှင်ထည် ဒီဇိုင်းထုတ် ချုပ်လုပ်မယ့် နေရာဟာ ကိုယ့်ရဲ့ စတူဒီယိုပဲ။ အခန်းကျဉ်းကျဉ်း ဖြစ်ချင်ဖြစ်မယ်။ ဘယ်လိုပဲဖြစ်ဖြစ် စတူဒီယိုလို့ စိတ်ထဲ မှတ်ယူထားရမယ်။ တခမ်းတနားကြီး လုပ်ထားမှာ စတူဒီယို မဟုတ်ပါဘူး။ အခုပြောပြမယ့်အချက်တွေနဲ့ အညီ ဖြစ်နေအောင် လုပ်ထားရင် စတူဒီယိုပဲ။ လုပ်မထားရင်တော့ တခမ်းတနားကြီး ဖြစ်နေလည်း စတူဒီယို မမည်ပါဘူး။ အနောက်တိုင်း ဖက်ရှင်လောကမှာတော့ atelier အလုပ်ခန်းလို့ ခေါ်ကြတာမို့ စတူဒီယိုဟာ အလုပ်လုပ်ဖို့အတွက် အကောင်းဆုံးအခြေအနေတွေကို ဖန်တီးပေးထားရမယ်။

ဖက်ရှင်ထည်တွေ ထုတ်လုပ်တဲ့ ကုမ္ပဏီတွေမှာတော့ ဒီအခန်းကို ဖက်ရှင်ဒီဇိုင်နာ တစ်ယောက်တည်းအတွက် မဟုတ်ဘူး။ pattern cutter,ပက်တန်ပုံဖြတ်တောက်သူ၊ ချုပ်ထည်အတွက် နမူနာ ယူတဲ့သူ၊ စီမံခန့်ခွဲတဲ့ မန်နေဂျာတို့လည်း အတူတကွ လုပ်ကိုင်ကြတယ်။

စတူဒီယိုမှာ ဖက်ရှင်စိတ်ကူး ပုံဖော်ပေးထားတဲ့ ပုံကြမ်းတွေကို ပက်တန်တွေ ထုတ်တယ်။ ပြီးရင် အဲဒီပတ်တန်တွေနဲ့ အ၀တ်အစားကို နမူနာ ချုပ်လုပ်ကြည့်တယ်။ အဲဒီ အလုပ်တွေ လုပ်ကိုင်ဖို့အတွက် လိုအပ်တဲ့ ပစ္စည်းတွေ ကိရိယာတွေ ပရိဘောဂတွေ၊ စက်တွေ အကုန်လုံး စတူဒီယိုထဲမှာ ဖြည့်တင်းပေးထားတယ်။

ဒီတော့ ဖက်ရှင်စတူဒီယို တစ်ခုမှာ အ၀တ်စကို တင်ပြီး တိုင်းတာ အမှတ်အသား အရာပေး၊ ဖြတ်တောက် စတာတွေလုပ်ဖို့ ဖြန့်ခင်းနိုင်အောင် စားပွဲကြီးကြီး တစ်လုံးကို ထားရှိကြတယ်။ ပြီးရင် လုပ်ငန်းသုံး အပ်ချုပ်စက်တွေ ရှိမယ်။ ဓားစက်လိုက်ဖို့ စက်လည်း ရှိမယ်။ မီးပူတိုက်ဖို့ စားပွဲရှိမယ်။ ရေနွေးငွေ့ ထုတ်ပေးတဲ့ မီးပူလည်း ရှိမယ်။ နမူနာ အထည်သား အစတွေလည်း စုဆောင်းထားရှိကြတယ်။ နမူနာအ၀တ်အစား ချုပ်လုပ်တဲ့အခါ သုံးဖို့ ကြယ်သီး၊ ဇစ်၊ ကပ်ခွာ စတာတွေလည်း ရှိတယ်။ အပ်တွေနဲ့ အပ်ချည်လုံးတွေလည်း ရှိမယ်။ တိပ်တွေလည်း ရှိမယ်။

အခုပြောပြတာနဲ့တင် အတော်များနေပြီ။ အခန်းထဲ ရှုပ်ပွနေတော့မှာပဲလို့ ထင်စရာ ရှိတယ်။ သက်မွေးပညာအဖြစ် စီးပွားဖြစ် လုပ်ကိုင်တာပဲဖြစ်ဖြစ်၊ အိမ်မှာ ၀ါသနာအရ ချုပ်လုပ်တာပဲဖြစ်ဖြစ် ကောင်းတာကတော့ နေရာကို စနစ်တကျ စီစဉ်ထားရှိတာ ဖြစ်ပါတယ်။

အပ်ချုပ်စက်နဲ့ မီးပုတိုက်တဲ့စားပွဲတို့ဟာ ဘေးချင်းကပ် ထားသင့်တယ်။

ပိတ်စကို ဖြတ်တောက်ဖို့ ဖြန့်ချတဲ့အခါ လုံလောက်အောင် ကျယ်တဲ့ စားပွဲတစ်လုံး ရှိရမယ်။ ဖြတ်မယ့်သူက လွတ်လွတ်လပ်လပ် သွားသာလာသာ ရှိအောင် အဲဒီစားပွဲကို ထားရမယ်။ ကြမ်းပြင်မှာ ချပြီး ညှပ်လို့ ဖြတ်လို့ ရတာမှန်ပေမဲ့ ကောင်းမွန်တဲ့ ရလဒ်တွေကို ပေးနိုင်မှာ မဟုတ်ဘူး။

နောက်တစ်ချက် အရေးကြီးတာက အလင်းရောင် လုံလုံလောက်လောက် ရှိနေဖို့ လိုတယ်။  LED မီးလုံး ၀ပ် ၃၀ မျိုးကို ထွန်းသင့်တယ်။

စတူဒီယိုရဲ့ အနေအထားကို ပြောပြပြီးတဲ့အခါ သုံးစွဲတဲ့ ပစ္စည်းကိရိယာ တန်ဆာပလာတွေအကြောင်းကို ပြောပြပါမယ်။ အ၀တ်အထည်တွေ တည်ဆောက်တာမှာ တိုလီမုတ်စလေးတွေလည်း လိုတယ်။ သူ့ကိစ္စနဲ့သူ သုံးစွဲသင့်တယ်။ တိုင်းတာဖို့ ကိရိယာ၊ ချုပ်လုပ်ဖို့  အပ်ချုပ်စက်၊ ဓားစက်၊ မီးပူစတာတွေလို ဒြပ်အကောင်အထည် ကြီးတဲ့ ကရိယာာတွေလည်း သူ့ကိစ္စနဲ့သူ သုံးစွဲတတ်ဖို့ လိုတယ်။ ကြီးကြီးမားမားတွေအကြောင်း မပြောသေးဘဲ သေးသေးမွှားမွှားကနေ စပြောပြချင်ပါတယ်။

ပင်အပ်များ

*********

ပင်အပ်နဲ့ အပ် ဆင်ဆင်တူတယ်။ ကွာတာက ချည်ထိုးဖို့ အပ်နဖားပေါက် ပါတာနဲ့ မပါတာ ဖြစ်ပါတယ်။

ပင်အပ်တွေကို အ၀တ်အပိုင်းအစတွေ ယာယီတွဲထားဖို့ သုံးစွဲတယ်။ ချုပ်အပ်ကတော့ အထည်သားထဲ ချည် ၀င်ချီထွက်ချီဖြင့် နေရာယူဖို့ သုံးတယ်။ အပြီးအပြတ် တွဲချုပ်တာ ရှိသလို ယာယီအားဖြင့် တွဲပေးထားဖို့ ချုပ်တာလည်း ရှိမယ်။

ဖက်ရှင်ဒီဇိုင်နာတွေ သုံးလေ့သုံးထရှိတဲ့ ပင်အပ်တွေအကြောင် ဗဟုသုတ တိုးဖို့ ဖော်ပြအပ်ပါတယ်။

ဘယ်လို ပင်အပ်မျိုးကို  သုံးရမလဲဆိုတာအတွက် အခြေခံအားဖြင့် မူတည်စဉ်းစားတဲ့ အချက် သုံးချက် ရှိတယ်။

• အထည်သား အထူအပါး
• အထည်သား ရက်လုပ်ထားပုံ
• လုပ်လက်စတန်းလန်းမှာ ခဏတွဲပေးထားရန်အတွက်သာ (ဆိုလိုတာက မော်ဒယ်တစ်ယောက်ကို အစမ်းဝတ်ကြည့်ခိုင်းဖို့အတွက် အ၀တ်စ အပိုင်းအစတွေကို ယာယီသီတွဲပေးဖို့ သုံးတာမျိုး)

• Steel Pin

အကြမ်းသုံးအဖြစ်ဖြင့် သုံးကြတယ်။ လူပုံစံအရုပ်မှာ အထည်အပိုင်းအစတွေကို ကပ်ပြီး ဒီဇိုင်းကို စိတ်ကူးကြံဆတဲ့အခါမှာ ဒီပင်အပ်မျိုးနဲ့ ထိုးစိုက်ပြီး အထည်အပိုင်းအစကို ကပ်တွဲတယ်။ အရွယ်ရွယ် အစားအစား ရှိတယ်။ အထည်သားတွေ လေးငါးထပ် ထပ်ပြီး တွဲထားဖို့ဆိုရင် အလျားရှည်တဲ့ ပင်အပ်မျိုးကို သုံးကြတယ်။

• T-Head Pin

ပင်အပ်ခေါင်းက အင်္ဂလိပ်အက္ခရာ T ပုံသဏ္ဌာန်မို့လုိ့ T-Head Pin လို့ ခေါ်ဝေါ်ကြတယ်။  ရက်ထားတာ ကြဲတဲ့ အထည်သားမျိုးမှာ ပင်အပ်သုံးရရင် အလွယ်ဖြင့် ခေါင်းကျွံဝင်တာ မဖြစ်ရအောင်  T-Head ပင်အပ်ကို သုံးတယ်။ စွပ်ကျယ်သားလိုမျိုး ဇာထိုးထည်တွေမှာလည်း သုံးတယ်။ ခေါင်းက T ပုံသဏ္ဌာန်ဖြစ်နေတာမို့ အထဲကို ကျွံဝင်မသွားဘူး။ ထိုးပေးထားတဲ့အတိုင်း မြဲမြံနေစေပါတယ်။

• Brass Lace Pin

ချောမွတ်တယ်။ သေးသွယ်တယ်။ ပင်အပ်နဲ့တွယ်ခံရတဲ့ အထည်သားမှာ  တော်ရုံတန်ရုံဖြင့် အပေါက်ရာ ကျန်ရစ်တာမျိုး မဖြစ်ဘူး။ ဒီတော့ ပဒုမ္မာပိတ်ပါးစလိုမျိုး အထည်သား ပါးပါးတွေမှာ သုံးကြတယ်။

• Safety Pin

ဖြတ်တောက်ထားတဲ့ အ၀တ်စ အပိုင်းတွေကို တွဲစပ်ပြီး အ၀တ်အစားတစ်ခု ယာယီဖန်တီးဖို့ တွယ်ချိတ်ကို သုံးကြတယ်။ ကြယ်သီးတွေ တပ်ရမယ့်နေရာမျိုးမှာ ကြယ်သီးတွေအစား တွဲချိတ်နဲ့ ယာယီတွဲပေးထားလေ့ရှိတယ်။ စွပ်ကျယ်သားလို ခပ်ကြဲကြဲ ရက်ထားတဲ့ အထည်သားမျိုးတွေအတွက် သင့်လျော်တယ်။

• Paper Clip

ပင်အပ်ထိုးထားတဲ့ အပေါက်ရာ ကျန်ရစ်လို့ မရတဲ့အခါ ပေပါကလစ်ကို သုံးကြတယ်။ လယ်သာ သားရေထည်၊ ပလတ်စတစ်အသား၊ ပီဗီစီ အသားမျိုးတွေက ပင်အပ်ထိုးပြီးရင် အပေါက်ရာက မပျောက်တော့ဘူး။ ဒီတော့ ပေပါကလစ်ကို သုံးပြီး ယာယီတွဲကပ်ပေးကြတယ်။

ပင်အပ်တွေကို သိမ်းဆည်းထားသိုတာမှာ စနစ်ကျဖို့ လိုတယ်။ ပင်အပ်စိုက်ဖို ဘုလုံးတစ်ခု လုပ်ထားပြီး အဲဒီမှာ စုသိမ်းသင့်တယ်။ နေရာအကုန် သက်သာတယ်။ သပ်ရပ်ရှင်းလင်းတယ်။ အလွယ်တကူ ယူလို့ရတယ်။ ပင်အပ်ဖြစ်ဖြစ် ချုပ်အပ်ဖြစ်ဖြစ် အောက်ကျနေတာကို ကောက်ယူဖို့အတွက် သံလိုက်တုံးတစ်ခု ဆောင်ထားသင့်တယ်။

ဆက်လက်ပြီးတော့ လက်ချုပ်အပ်အကြောင်း နည်းနည်းပါးပါး ပြောပြပါမယ်။ ပြီးရင် အပ်ချုပ်စက်အကြောင်း ပြောပြပါဦးမယ်။

Source: Sewing for Fashion Designers by Anette Fischer