ဂျာမန်လူမျိုးအကျော် ဒေးယျ ဒီဇိုင်နာကြီး Hugo Boss အကြောင်းကို ဖတ်ရှုကြရမှာပါ။
♣ ငယ်ဘ၀
Hugo Boss က ဂျာမနီပြည်၊ Metzingen မြို့ဇာတိပါ။ ၁၈၈၅ ခုနှစ်၊ ဇူလိုင် ၈ ရက်မှာ မွေးဖွားခဲ့တာဆိုတော့ ကာလကိုတွက်ကြည့်ရင် အင်္ဂလိပ်တွေ မြန်မာနိုင်ငံကိုလာ ရောက်ကျူးကျော်တဲ့ အင်္ဂလိပ် - မြန်မာ တတိယကျူး ကျော်စစ်ပွဲပြီးနောက် မြန်မာနိုင်ငံ သူ့ကျွန်ဘ၀ရောက်ခဲ့ ချိန်ပေါ့။ သူက ကမ်္ဘာ့စစ်အာဏာရှင် ဟစ်တလာထက် အသက်နှစ်နှစ်ပဲကြီးတာမို့ ဟစ်တလာနဲ့ တစ်ခေတ်တည်း ဖွားလို့ပြောလို့ရပါတယ်။ Hugo Boss က မွေးချင်းမောင် နှမငါးယောက်ထဲမှာ အငယ်ဆုံးသားပါ။
♣ အလုပ်အကိုင်
Hugo Boss ရဲ့ ကနဦးအလုပ်အကိုင်က ဖက်ရှင်ပိုင်းတော့ မဟုတ်ပါဘူး။ ကုန်သည်လုပ်ငန်းအလုပ်သင် လုပ်ခဲ့တာပါ။ စစ်ပညာထွန်းကားတဲ့ ဂျာမနီပြည်မှာနေ တော့ ၁၉၀၃ခုနှစ်ကနေ ၁၉၀၅ ခုနှစ်အထိ နှစ်နှစ်တာစစ် မှုထမ်းခဲ့ပါတယ်။ အဲဒီနောက်မှာမှ ဖက်ရှင်နဲ့ဆက်စပ်ပြီး Konstanz ခရိုင်က ရက်ကန်းလုပ်ငန်းမှာ အလုပ်ဝင်လုပ် ဖြစ်ခဲ့တာပါ။ မိဘတွေဖွင့်ထားတဲ့ အမျိုးသမီးအတွင်းခံအရောင်းဆိုင်ကို ၁၉၀၈ ခုနှစ်မှာ လက်လွှဲငှားယူ ဖွင့်လှစ်ခဲ့ပါတယ်။ အဲဒီနှစ်မှာပဲ ဖူးစာဖက်ဖြစ်တဲ့ Anna Katharina Freysinger နဲ့ လက်ဆက်ခဲ့ပါတယ်။ ၁၉၁၄ ခုနှစ်မှာ ပထမကမ္ဘာစစ်အချိန်ကာလရောက်လာခဲ့အတွက် Hugo Boss လည်း တပ်ကြပ်ရာထူးနဲ့ စစ်မှုထမ်းခဲ့ရပါတယ်။
♣ ကိုယ်ပိုင်လုပ်ငန်းတည်ထောင်
Hugo Boss ရဲ့ ကိုယ်ပိုင်အ၀တ်အထည် ကုမ္ပဏီကို Metzingen မြို့မှာ ၁၉၂၃ ခုနှစ်က စတင်တည်ထောင်ခဲ့ပါတယ်။ နောက်နှစ်မှာတော့ မိတ်ဆွေနှစ်ယောက်နဲ့လက်တွဲပြီး စက်ရုံတည်ဖြစ်ခဲ့ပါတယ်။ သူ့ကုမ္ပဏီကနေ ရှပ်အင်္ကျီ၊ ဂျာကင်၊ အားကစားဝတ်စုံ၊ မိုးကာ စတဲ့ အ၀တ် အထည်တွေကို ထုတ်လုပ်ပါတယ်။ သူရဲ့ဖက်ရှင်တွေ သပ်ရပ်ကျနတယ်ဆိုတာ ဖက်ရှင်ချစ်သူတွေအသိပါ။ ဒါ့ ကြောင့်ပဲ ဂျာမနီမှာရှိခဲ့တဲ့ စစ်နဲ့ဆက်စပ်တဲ့ အဖွဲ့အစည်းတွေ ဖြစ်တဲ့ SA (Sturmabteilung)ç SS (Schutzstaffel)ç Hitler Youth စာပို့လုပ်ငန်းတို့နဲ့ မီးရထားဝန်ထမ်းတွေအတွက် တူညီ ၀တ်စုံတွေချုပ်လုပ်ပေးခဲ့ရတာပါ။ နောက်ပိုင်းမှာ နာဇီရဲ့လက် နက်ကိုင်တပ်ဖွဲ့ဖြစ်တဲ့ Wehrmacht အတွက် ဆက်လက်ချုပ် ပေးခဲ့ရပြန်ပါတယ်။ ဒီလိုယုံကြည်မှုများစွာကပဲ Hugo Boss ကို ထိပ်ဆုံးရောက်စေခဲ့တာဖြစ်ပါတယ်။
♣ တိုးတက်ပြောင်းလဲလာသောလုပ်ငန်း
ဒီဇိုင်နာကြီး Hugo Boss တည်ထောင်ခဲ့တဲ့ Hugo Boss တံဆိပ်ဟာ စတင်ချိန်မှာတော့ တူညီဝတ်စုံချုပ်လုပ်ခြင်းနဲ့ စတင်ပြီး နာဇီပါတီအတွက် ချုပ်လုပ်ပေးခဲ့ပါတယ်။ ဒါပေမဲ့ ၁၉၄၅ ခုနှစ်မှာ နာဇီရဲ့ခေါင်းဆောင် ဟစ်တလာသေဆုံးခဲ့လို့ Hugo Boss လည်း ၁၉၄၈ခုနှစ်ကစပြီး အမျိုးသားဝတ်စုံတွေပဲ ဖန်တီးဖြစ်ခဲ့ပါတယ်။ ၁၉၈၅ ခုနှစ်မှာ လူအများစုအတွက် ထုတ် လုပ်နိုင်လာခဲ့ပြီး အဲဒီနှစ်မှာ ရေမွှေးကိုပါ ထုတ်လုပ်ခဲ့ပါတယ်။ ၁၉၉၇ ခုနှစ်မှာ အမျိုးသား၊ အမျိုးသမီးဖက်ရှင်မျိုးစုံ၊ ၂၀၀၀ ပြည့်နှစ်မှာ အမျိုးသမီးဝတ်စုံအုပ်စု၊ ၂၀၀၈/၂၀၀၉ ခုနှစ်မှာ ကလေးဝတ်စုံတွေအထိ တိုးချဲ့ထုတ်လုပ်နိုင်ခဲ့ပါတယ်။ ဒီလိုနဲ့ Hugo Boss ရဲ့အောင်မြင်မှု အတိုင်းအတာကိုပြောရရင် သူ ကွယ်လွန်ပြီးနောက်ပိုင်း ၂၀၁၆ ခုနှစ်မှာ ကမ္ဘာတစ်ဝှမ်းဆိုင် ခွဲပေါင်း ၁၁၀၀ကျော်အထိ ရှိလာပါသတဲ့။
♣ Hugo Boss ၏ ထုတ်ကုန်များ
- BOSS ၁၉၇၀ တွင် အမျိုးသားဝတ်စုံ၊၂၀၀၀ တွင် အမျိုးသမီးဝတ်စုံထုတ်လုပ်။
- BOSS Orange - ၁၉၉၉ ခုနှစ်တွင် အမျိုးသားဝတ်စုံ၊ ၂၀၀၅ ခုနှစ်တွင် အမျိုးသမီးဝတ်စုံထုတ်လုပ်။၂၀၁၀ ပြည့်နှစ်တွင် ထသွားထလာဝတ် ဂျင်းဝတ်စုံများထုတ်ပြီး ပြန်မိတ်ဆက်ခဲ့။
- BOSS Green - Boss Sport ဟု လူသိများ။ ၂၀၀၃ ခုနှစ်တွင် ဂေါက်ရိုက်ဝတ်စုံ စသည့် သွက်လက်ပေါ့ပါးသည့် အမျိုးသားဝတ်စုံ၊၂၀၁၀ ပြည့်နှစ်တွင် အမျိုးသမီးဝတ်စုံထုတ်လုပ်။
- HUGO ၁၉၉၃ ခုနှစ်တွင် အမျိုးသားဝတ်စုံ၊၁၉၉၈ ခုနှစ်တွင် အမျိုးသမီးဝတ်စုံထုတ်လုပ်။
(Hugo Boss ထုတ်ကုန်များကို ဂျာမနီ၊ အီတလီ၊ ပိုလန်၊ တာကီ၊ အမေရိကန် တို့ရှိစက်ရုံများ၌ ထုတ်သည်။ Samsung, HTC နှင့် Huawei စသော နည်းပညာ လုပ်ငန်းများ၊ တခြားသော အ၀တ်အထည်၊ အလှကုန်၊ လက်ပတ်နာရီ လုပ်ငန်းများစွာနှင့် သဘောတူညီမှုများ ချုပ်ဆိုထားသည်။)
- Hugo Boss ၏ နောက်ဆုံးခရီး
ဒီဇိုင်နာကြီး Hugo Boss မွေးဖွားခြင်းနဲ့ ကွယ်လွန်ခြင်းတို့က မြန်မာနိုင်ငံ သူ့ကျွန်ဖြစ်တဲ့နှစ်၊ လွတ်လပ်ရေးရတဲ့နှစ်တို့နဲ့ တိုက်ဆိုင်နေပါတယ်။ အမျိုးသားဖက်ရှင်တွေတီထွင်ပြီးနောက် အသက် ၆၃ နှစ်အရွယ်၊ ၁၉၄၈ခုနှစ်၊ သြဂုတ်လ ၉ရက်နေ့ မှာ သူချစ်တဲ့ Hugo Boss ဖက်ရှင်လုပ်ငန်းကို စွန့်ခွာခဲ့ရပါတယ်။
source:the chic magazine