ပိုလိုရှပ်တွေလိုမျိုး စပို့ရှပ်တွေဝတ်မယ်ဆိုရင် ၀တ်တတ်ဖို့လိုပါတယ်။
ကိုယ့်ရဲ့ခန္ဓာကိုယ်အချိုးအစားနဲ့ လိုက်ဖက်တဲ့ ပိုလိုရှပ်မျိုးကို ရွေးချယ်ပြီး ၀တ်မယ်ဆိုရင် ကြည့်ကောင်းနိုင်ပေမယ့် မ၀တ်တတ်ရင်တော့ ခပ်ကြောင်ကြောင်စတိုင်ဖြစ်သွားနိုင်ပါတယ်။
ဒါ့ကြောင့် စပို့ရှပ်ဝတ်ဖို့ စိတ်ကူးရှိနေတယ်ဆိုရင် ဘယ်လိုဝတ်ကြမလဲဆိုတာကို ဖော်ပြပေးလိုက်ပါတယ်။
1.နောက်ပိုင်းကိုသတိထားပါ။
ပုံမှန်အားဖြင့် ပိုလိုရှပ်လိုမျိုး စပို့ရှပ်တွေက ကျောဘက်ခြမ်းကို ပိုရှည်ထားလေ့ရှိပါတယ်။
ဒီလိုရှည်ထားမှ ရှေ့ကို ကုန်းလိုက်တဲ့အချိန်မှာ ခါးမပေါ်အောင် ဖုံးပေးထားနိုင်ဖို့ ဖြစ်ပါတယ်။
ဒါ့ကြောင့် စပို့ရှပ်တွေရဲ့ နောက်ကျောဘက် အရှည်ကို ဂရုစိုက်ပါ။
သင့်ဘောင်းဘီနောက်အိပ်ကပ်ထက်ထက်ကျော်အောင် ဖုံးလွှမ်းသွားတဲ့အထိ ရှည်နေတာမျိုးကို မ၀တ်ပါနဲ့။
2.လည်ပင်းပေါက် အရမ်းမကျယ်ပါစေနဲ့။
သင်နဲ့လိုက်ဖက်တဲ့ အရှည်ရှိတဲ့စပို့ရှပ်တွေပြီဆိုရင် နောက်တဆင့်အနေနဲ့ ကြယ်သီးတွေကို ကြည့်ပါ။
ပိုလိုရှပ်တော်တော်များများမှာ လှပတဲ့လည်ပင်းအကျပုံစံတွေရှိပါတယ်။
ကြယ်သီးဖြုတ်ပြီး ၀တ်မယ်ဆိုရင်တောင် အဆင်ပြေတဲ့ပုံစံမျိုးတွေပါ။
တစ်ချို့အမှတ်တံဆိပ်နဲ့ စပို့ရှပ်တွေမှာတော့ ရင်ဘတ်အကွဲကြောင်း တော်တော်ရှည်တာမျိုးရှိပါတယ်။
ဒါမျိုးတွေကျတော့ ကြယ်သီးတပ်ဝတ်မှ အဆင်ပြေတာဖြစ်ပါတယ်။
3.အကီင်္ျလက်ကိုလည်း ထည့်စဉ်းစားပါ။
စပို့ရှပ်ဝတ်မယ်ဆိုရင် နောက်တစ်ချက်သတိထားရမှာက လက်မောင်းပဲဖြစ်ပါတယ်။
တစ်ချို့တံဆိပ်တွေမှာ လက်စည်းမပါတတ်ပေမယ့် တစ်ချို့တံဆိပ်တွေမှာတော့ လက်မောင်းကို သားရေကွင်းနဲ့စည်းထားသလို ကျပ်နေစေမယ့် လက်စည်းတွေ ပါတတ်ပါတယ်။
သင့်က Gym တွေကစားပြီး လှပကျစ်လစ်တဲ့လက်မောင်းတွေ ပိုင်ဆိုင်ထားမယ်ဆိုရင်တော့ လက်မောင်းအကြပ်ပုံစံကို ကြိုက်မှာသေချာပါတယ်။
ဒါပေမယ့် အရမ်းကြပ်နေတာမျိုး မရွေးမိစေဖို့ အကြံပေးချင်ပါတယ်။
အင်္ကျီထဲမှာ ကြွက်သားတွေ မဆန့်တော့လို့ တစ်ရစ်ပြီး ထွက်နေတဲ့ပုံမျိုးကို ဘယ်သူမှမကြိုက်ပါဘူး။
4.ဘောင်းဘီရွေးချယ်ဝတ်ဆင်တတ်ဖို့ လိုပါတယ်။
စပို့ရှပ်ဝတ်ဆင်တဲ့အခါမှာ တွဲဖက်ဝတ်ဆင်မယ့် ဘောင်းဘီကလည်းအရေးကြီးပါတယ်။
အင်္ကျီကို ဘောင်းဘီထဲထည့်ဝတ်မယ်ဆိုရင် သားရေခါးပတ်တွေ မသုံးမိပါစေနဲ့။
ခါးနေရာမှာ ချွေးပိုထွက်လာနိုင်တာကြောင့် သားရေခါးပတ်ကနေ အင်္ကျီကို စွန်းထင်းမှုတွေဖြစ်လာစေနိုင်ပါတယ်။
5.မှန်မှန်ကန်ကန်ဝတ်တတ်ပါစေ။
ကိုယ်နဲ့လိုက်ဖက်တဲ့ ပိုလိုရှပ်ကို တွေ့ပြီဆိုရင် အချိန်မှန် နေရာမှန်ဝတ်တတ်ဖို့လည်း လိုပါသေးတယ်။
အရင်းဆုံး ပိုလိုရှပ်တွေကို အောက်ခံစွပ်ကျယ်တွေနဲ့ တွဲမ၀တ်ပါနဲ့။
ပိုလိုရှပ်တွေက သင့်ကို ပေါ့ပေါ့ပါးပါး ဖြစ်စေဖို့ ရည်ရွယ်တာပါ။
လက်ပါတဲ့စွပ်ကျယ်တွေဆိုရင် ပိုလိုရှပ်အောက်ကနေ အစတွေထွက်နေတာက ကြည့်ကောင်းမှာ မဟုတ်ပါဘူး။
ကွန်မန်ဒိုဘောင်းဘီ ၀တ်မယ်ဆိုရင် ခါးအထက်မှာ တင်ဝတ်ပါ။ ပြီးတော့ ပိုလိုရှပ်မှာ ချွေးကွက်တွေ မစွန်းထင်းအောင် ဂရုစိုက်ပါ။
ချိုင်းနေရာမှာ အ၀ါရောင်အစွန်းအထင်းကွက်တွေနဲ့ဆိုရင် သင့်ရဲ့ပိုလိုရှပ်က ကြည့်ကောင်းတော့မှာ မဟုတ်ပါဘူး။
နောက်ဆုံးတစ်ချက်အနေနဲ့ ဘယ်တော့မှ ကော်လာထောင်ပြီး မ၀တ်ပါနဲ့။
Source:Gentleman
