လှိုင်သာယာမြို့နယ်၊ ရွှေလင်ပန်းစက်မှုဇုန်၊ ဗန်းမော်အတွင်းဝန်လမ်း ၊ အမှတ် (၁၀၂/၂/၁၁) တွင်ရှိသော Young Oothing Limited အထည်ချုပ်စက်ရုံသည် ကုန်ကြမ်းများ မရခြင်း၊ ဝယ်လက်များထံမှ အမှာစာ မရရှိခြင်းတို့ကြောင့် စက်ရုံပိတ်သိမ်းပါကြောင်း အသိပေးကြေညာထားပါသည်။
၁။ လှိုင်သာယာမြို့နယ်၊ ရွှေလင်ပန်းစက်မှုဇုန် ၊ ဗန်းမော်အတွင်းဝန်လမ်း ၊ အမှတ် (၁၀၂/၂/၁၁) တွင်ရှိသော Young Oothing Limited အထည်ချုပ်စက်ရုံသည် CMP စနစ်ဖြင့် လည်ပတ်နေသော စက်ရုံဖြစ်ပါသည်။ ။ ယခုအခါ covid-19 ဟူကပ်ရောဂါကြောင့် မိမိတို့ အထည်ချုပ်စက်ရုံသည်ကုန်ကြမ်းများမရရှိခြင်း၊ ဝယ်သူများ ဘက်မှ အမှာစာများမရရှိခြင်းတို့ကြောင့် စက်ရုံမှာဆက်လက်ရပ်တည်ရန် မဖြစ်နိုင်တော့သည့်အခြေအနေများနှင့် ရင်ဆိုင်နေရပါသည်။
၂။ ထို့ကြောင့် စက်ရုံအုပ်ချုပ်စီမံခန့်ခွဲရေးရုံးချုပ်မှ စက်ရုံအား (၁၅.၁၀.၂၀၂၀)ရက်နေ့တွင် ပိတ်သိမ်းရန် ဆုံးဖြတ်ခဲ့ပါသည်။
၃။ ဝန်ထမ်းများအား ၂၀၂၀ ခုနှစ်၊ စက်တင်ဘာလ (၁၅) ရက်နေ့မှစ၍ အလုပ်ဆင်းရန်မလိုဘဲအလုပ်အကိုင် ၊ ရှာဖွေနိုင်ရန် အတွက် နို့တစ် တစ်လအဖြစ် အသိပေးအကြောင်းကြားအပ်ပါသည်။
၄။ ယခုလ အတွင်းအလုပ်ဆင်းခဲ့သော လုပ်ခလစာများအား ၂၀၂၀ ခုနှစ်၊ အောက်တိုဘာလ (၅) ရက်နေ့ လစာထုတ်ပေးမည်ဖြစ်ပါသည်။
၅။ ပေးရန်ကျန်ရှိသည့် နစ်နာကြေး၊ လုပ်ခကျန်ငွေများအား အစိုးရသတ်မှတ်ချက်ရက်အတိုင်း ပေးချေမည့်နေ့ တွင် ပေးချေမည်ဖြစ်ကြောင်းအသိပေးအပ်ပါသည်။
