What's new

×

Warning

JUser: :_load: Unable to load user with ID: 845


အောင်မြင်မှုအထည်ချုပ်သင်တန်းကျောင်းမှာ အထည်ချုပ် ဆရာဖြစ်သင်တန်းအခမဲ့ဖွင့်လှစ်ပေးနေ

အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနနဲ့ ပျိုးပင်တို့ပူးပေါင်းဖွင့်လှစ်တဲ့ အထည်ချုပ်ပညာရပ်များကို ပြန်လည်သင်ကြား ပေးနိုင်ရန်နဲ့ အုပ်ချုပ်မှုပိုင်းတွေအတွက် ဆရာဖြစ်သင်တန်းကို အောင်မြင်မှုအထည်ချုပ် ကျွမ်းကျင်သင်တန်း ကျောင်းမှာ အခမဲ့ဖွင့်လှစ်သင်ကြားပေးနေပါတယ်။

ဆရာဖြစ်သင်တန်းကိုတက်ရောက်မယ့်သူတွေအနေနဲ့ အသက်(၂၅)နှစ်နှင့်အထက်ရှိရမှာဖြစ်ပြီး အထည်ချုပ်စက်ရုံမှာလုပ်သက်(၅)နှစ်မှ (၈)နှစ်ရှိရမှာဖြစ်ပါတယ်။ ဒါ့အပြင်အထည်ချုပ်စက်ရုံမှာ လက်ရှိခေါင်းဆောင်ရာထူးရရှိထားသူဖြစ်ရမှာဖြစ်ပြီး သင်တန်းသားစေလွှတ်မယ့်စက်ရုံအနေနဲ့ လုပ်သားဦးရေ(၁၀၀၀)နဲ့ အထက်ရှိရမယ်လို့ အောင်မြင်မှုအထည်ချုပ်ကျွမ်းကျင် သင်တန်းကျောင်းရဲ့ ဆရာဖြစ်သင်တန်းကိုသင်ကြားပေးတဲ့သင်တန်းနည်းပြက ပြောပါတယ်။ အောင်မြင်မှုအထည်ချုပ်ကျွမ်းကျင်သင်တန်းကျောင်းရဲ့ဆရာဖြစ်သင်တန်းမှာ အုပ်ချုပ်မှုပိုင်းဆိုင်ရာ၊ လူမှုဆက်ဆံရေး၊ ပူးပေါင်းဆောင်ရွက်မှု၊ လုပ်ငန်းပြန်လည် သုံးသပ်ခြင်း၊ တာဝန်ခွဲဝေပေးခြင်းစတာတွေကို သင်ကြားပေးတယ်လို့သိရပါတယ်။ ဆရာဖြစ်သင်တန်းကို အထည်ချုပ်စက်ရုံတွေအပြင် အစိုးရဌာနတွေကလည်း လာတက်ရောက်ကြတယ်လို့ သိရပါတယ်။

p1

ဆရာဖြစ်သင်တန်းမှာ အထည်ချုပ်နည်းတွေကိုအခြေခံကစပြီး နည်းစနစ်မှန်ကန်စွာချုပ်လုပ်နည်းတွေသင်ကြားရတာကြောင့် လုပ်ငန်းခွင်ထဲမှာ ပြန်လည်သင်ကြားပေးဖို့အတွက် အဆင်ပြေမှုရှိတယ်လို့ သင်တန်းတက်ရောက်နေသူတစ်ဦးက ပြောပါတယ်။အခုဖွင့်လှစ်တဲ့ သင်တန်းက အပတ်စဉ်(၄)ခုမြောက်သင်တန်းဖြစ်ပြီး သင်တန်းအပတ်စဉ်တစ်ခုကို သင်တန်းသား၊ သင်တန်းသူ(၁၆)ဦးလက်ခံမှာဖြစ်ပါတယ်။

p

သင်တန်းကို တနင်္လာကနေ သောကြာနေ့အထိ တစ်ပတ်ကို(၅)ရက်နှုန်းနဲ့ ရက်(၂၀)သင်ကြားပေးနေတယ်လို့သိရပါတယ်။ အောင်မြင်မှုအထည်ချုပ်ကျွမ်းကျင်သင်တန်းကျောင်းရှိ သင်တန်းတွေကိုတက်ရောက်ချင်သူတွေအနေနဲ့ မြောက်ဒဂုံမြို့နယ်ပင်လုံခန်းမမှာ လာရောက်စာရင်းပေး သွင်းနိုင်တဲ့ အပြင်သင်တန်းကျောင်းဖုန်းနံပါတ် 09-425847821ကို ဆက်သွယ်စာရင်းသွင်းနိုင်တယ်လို့ သိရပါတယ်။

 

Source:mrtv4

Read 1167 times
Rate this item
(1 Vote)