လွန်ခဲ့တဲ့ လေးနှစ်ကျော်တုန်းက ဆွီဒင်မှ ဖက်ရှင်လက်လီအရောင်းလုပ်ငန်းကြီး H&M က သူ့အတွက် ချုပ်လုပ်ပေးနေကြတဲ့ အလုပ်သမားတွေကို သင့်တင့်မျှတဲ့ စားဝတ်နေရေးစရိတ် လုပ်ခလစာကို ၂၀၁၈ ခုနှစ်မှာ ပေးအပ်မယ်လို့
၂၀၁၃ ခုနှစ် နိုဝင်ဘာလ ၂၅ ရက်မှာ ထုတ်ပြန်ကြေညာပြီး ကတိပေးခဲ့တာ ဖြစ်ပါတယ်။
ဒါပေမဲ့ အခု ၂၀၁၈ ခုနှစ်ရဲ့ နှစ်ဝက်ကို ရောက်နေပြီမို့ ကုမ္ပဏီက ကတိအတိုင်း ရည်မှန်းချက်ကို ဖြည့်ဆည်းပေးနိုင်မှာလားလို့ မေးစရာ ဖြစ်လာပါတယ်။
စင်ကြယ်အ၀တ်အစား လှုံ့ဆော်မှု Clean Clothes Campaign နဲ့ အပေါင်းပါတွေက H&M ကို ရှေ့သို့ လှမ်းထွက်လာပြီး သူ့ရဲ့ အစီအစဉ်ကို အသိပေးဝေမျှပေးဖို့ ပြောလာကြပါတယ်။
အခုလို သင့်တင့်စားဝတ်နေရေးလစာကို H&M က ပေးရမယ့် အလုပ်သမားဦးရေက ကမ္ဘာတစ်လွှားမှာ ရှစ်သိန်းခွဲဝန်းကျင် ရှိနေတယ်။
သင့်တင့်စားဝတ်နေရေးလစာဆိုတာက ဘယ်လောက်လဲ ဆိုတာနဲ့ပတ်သက်လို့ H&M က အဓိပ္ပာယ် ဖွင့်ဆိုတာ လုပ်သားတွေနဲ့ သူတို့ရဲ့ မိသားစုတွေရဲ့ အခြေခံလိုအပ်ချက်တွေ အကုန်လုံး ပြေလည်စေမယ့် လုပ်ခလစာမျိုးကို ဆိုလိုပါတယ်။
အဲဒီလို လုပ်ခကို အလုပ်သမားတွေရဲ့ လက်ထဲ H&M က တိုက်ရိုက်ထည့်ပေးလို့ မရဘူး။
အများစု နားလည်မှု လွဲနေတာက အ၀တ်အစားရဲ့ ရောင်းဈေးနှုန်းက ဘယ်လို ထုတ်လုပ်သလဲ၊ အလုပ်သမားရဲ့ လုပ်ခလစာ ဘယ်လောက် ပေးသလဲဆိုတာတွေကို ထင်ဟပ်နေတယ်ဆိုတာပဲ ဖြစ်ပါတယ်။
H&M မှာ ကိုယ်ပိုင်စက်ရုံတစ်ရုံမှ မရှိတာကြောင့် တသီးပုဂ္ဂလ supplier တွေနဲ့ အတူလုပ်ကိုင်ပြီး ကိုယ်လိုချင်တဲ့ အ၀တ်အစားတွေကို ထုတ်လုပ်ခိုင်းပြီး ၀ယ်ယူကာ လက်လီပြန်ရောင်းချပေးနေတာ ဖြစ်တယ်။ ဒီတော့ supplier တွေက H&M အပြင် တခြား brand တွေကိုလည်း တစ်ချိန်တည်းမှာ ကန်ထရိုက်ရယူပြီး ထုတ်လုပ်နေကြတယ်။
ဒီတော့ ဘယ် brand ကို ချုပ်ချုပ် အလုပ်သမားတွေ ရတဲ့ ချုပ်ခက အတူတူပဲ။ အ၀တ်အစားကို ဘယ်ဈေးနဲ့ ရောင်းရောင်း သူတို့ရဲ့ ချုပ်ခက အတူတူပဲ။ အဲဒီလုပ်သားတွေကို ခန့်ထားတာက supplier ဖြစ်ပြီး H&M က ခန့်ထားတာ မဟုတ်ဘူး။ ဒီတော့ လုပ်ခ ဘယ်ရွေ့ဘယ်မျှပေးမယ်ဆိုတာကို H&M က ချမှတ်ပေးခြင်း မရှိသလို လုပ်ခတွေကိုလည်း H&M က အလုပ်သမားတွေကို ပေးအပ်ခြင်း မရှိဘူး။
ဒီတော့ သူ့ရဲ့ supplier တွေကို လုပ်ခလစာပေးတာနဲ့ ပတ်သက်လို့ လုပ်ထုံးလုပ်နည်းယန္တရားကို ချမှတ်ပြီး လိုက်နာခြင်း ရှိမရှိ စောင့်ကြည့်ပေးဖို့အတွက် စီမံဆောင်ရွက်ရမှာ ဖြစ်ပါတယ်။ အဲဒီလို စောင့်ကြည့်သိရှိဖို့အတွက် အီလက်ထရွန်းနစ် နည်းလမ်းများဖြင့် လုပ်ခလစာတွေ ပေးချေတဲ့အဖြစ်သို့ ရောက်ဖို့ လိုပါလိမ့်မယ်။ ဥပမာ အေတီအမ်ကတ်စနစ်။
အခုလို စားဝတ်နေရေးလုပ်ခလစာကို ပေးရတဲ့အခါ အရင်ကထက် ပိုပေးရမယ်။ အဲဒီလိုဆိုရင် ရောင်းချမယ့် အ၀တ်အစားတွေက ယခုလို လူအများ ၀ယ်ဖို့ တတ်နိုင်တဲ့ ဈေးနဲ့ ရောင်းချနိုင်ဦးမှာလား။ အဲဒီလို ရောင်းချနိုင်ဖို့ H&M က လုပ်ပေးနိုင်မယ်လို့ ဆိုပါတယ်။ ဘာလို့လဲဆိုတော့ ၀ယ်ယူတဲ့ ပမာဏက ကြီးမားတယ်။ သိုလှောင်ထောက်ပို့မှုအပိုင်းမှာ ထိထိရောက်ရောက် လုပ်ကိုင်နိုင်တယ်။ ကိုယ်ပိုင် ဒီဇိုင်နာတွေ၊ ကိုယ်ပိုင် သိုလှောင်ရုံတွေ ရှိနေတယ်။ ဈေးကွက်နဲ့ ပတ်သက်တဲ့ အသိပညာဗဟုသုတ ကြွယ်ဝတယ်။ supplier တွေနဲ့ ရေရှည်လက်တွဲလုပ်ကိုင်နေပြီး ကြားလူ မထားဘူး။
အထည်ချုပ်လုပ်သားအများစုသည် တရားဝင်သတ်မှတ်ထားသည့် အနည်းဆုံးလုပ်ခ အတွက် ကြိုးစားရုန်းကန်နေကြရပြီး ဖွံ့ဖြိုးဆဲနိုင်ငံအများစုတို့တွင် တစ်လတာ စားဝတ်နေရေးစရိတ်များ၏ သုံးပုံတစ်ပုံကို ကာမိဖို့ကို အတော်ချွေတာကြရသည်။
ကမ္ဘောဒီးယား၊ မြန်မာ၊ ဘင်္ဂလားဒေ့ရှ်၊ အိန္ဒိယတို့တွင် အထည်ချုပ်လုပ်သား အားလုံးနီးပါးတို့သည် အမျိုးသမီးများ ဖြစ်ကြပြီး ရရှိသည့် အခြေခံလုပ်ခလစာသည် လူတန်းစေ့ နေထိုင်နိုင်ခြင်း မရှိကြချေ ဟု Fashion United တွင် ဖော်ပြထားသော ဆောင်းပါးတစ်ပုဒ်တွင် ရေးသားထားသည်။
ထိုသို့ မလောက်မင ဖြစ်နေတာကို ပြေပျောက်ဖို့ H&M က စားဝတ်နေရေးလစာတစ်ရပ် ပေးနိုင်ရန် မဟာဗျုဟာကို စတင်ခင်းကျင်းခဲ့တာ တွေ့ရတယ်။ လုပ်ထုံးလုပ်နည်း ယန္တရားဖြင့် ချမှတ်အကောင်အထည်ဖော်သွားမှာဖြစ်ပြီး ၎င်းထံသို့ အ၀တ်အစားများ ပေးသွင်းနေတဲ့ အထည်ချုပ် စက်ရုံ ၇၅၀ ခုတွင် ဆောင်ရွက်သွားမယ်။ ၎င်းအထည်ချုပ်စက်ရုံများမှ လုပ်သားများတွင် အနည်းဆုံး ၈၀% စားဝတ်နေရေးလစာ ရရှိကြသည်မှာ သေချာအောင် ၎င်းယန္တရားဖြင့် လုပ်ကိုင်သွားမယ်။
ယခုကိစ္စဟာ supplier များနှင့် H&M တို့ ပူးပေါင်းလုပ်ကိုင်ရုံဖြင့် ဆောင်ရွက်နိုင်မှာ မဟုတ်ပေ။ H&M က အစိုးရများ၊ supplier များ၊ ၎င်းsupplierများထံ ကန်ထရိုက်ဖြင့် အ၀တ်အစားချုပ်လုပ်နေသည့် brands များအပြင် အလုပ်သမားသမဂ္ဂများလည်း ပါဝင်ရမယ်။ လုပ်သားဝန်ထမ်းများကို အလုပ်သမားသမဂ္ဂများက အစစ်အမှန်ကိုယ်စားပြုပေးထားခြင်း ဖြစ်ဖို့ကလည်း အရေးကြီးတယ်။ သို့မှသာ တစည်းတလုံးတည်းဖြင့် အလုပ်သမားများဘက်မှ တင်ပြဆွေးနွေးနိုင်မယ်။ ထို့အတွက် H&M မှ စက်ရုံတွင်း သင်တန်းများ ပို့ချသွားရန် အစီအစဉ်ချမှတ်ပြီး အကောင်အထည် ဖော်နေတယ်။
ထို့အပြင် လုပ်သားတိုင်း လုပ်ခလစာ၊ အကျိုးခံစားခွင့်များ၊ ရပိုင်ခွင့်များကို သဘောပေါက်စေရန်အတွက်လည်း သင်တန်းများ ပို့ချမယ်။ လုပ်သားတစ်ဦး၏ တတ်ကျွမ်းမှု၊ ကျွမ်းကျင်မှု၊ အတွေ့အကြုံ၊ လုပ်ရည်ကိုင်ရည်တို့အရ စဉ်းစားဆုံးဖြတ်ပြီး လုပ်ခလစာကို သတ်မှတ်ရမည်ဖြစ်ကြောင်းကိုလည်း နားလည်သိရှိစေရန် သင်တန်းတွင် ထည့်သွင်းပို့ချသွားမယ်။
ထိုအစီအစဉ်ကို မြန်မာ၊ ကမ္ဘောဒီးယား၊ တရုတ်၊ အိန္ဒိယနှင့် အီသီယိုးပီးယားတို့ရှိ အထည်ချုပ်စက်ရုံ ၂၉၀ တွင် လုပ်ကိုင်နေပြီဟု သတင်းတစ်ပုဒ်တွင် ဖော်ပြထားတယ်။ လုပ်သားများက ဒီမိုကရေစီနည်းလမ်းတကျ တင်မြှောက်သော ကိုယ်စားလှယ်များအဖွဲ့ များ ယခုနှစ် ၂၀၁၈ ခုနှစ်တွင် H&M ရဲ့ supplier စက်ရုံတွေရဲ့ ၅၀% မှာ ရှိနေဖို့ ရည်မှန်းချက် ထားရှိတယ်။
H&M ထံ ပေးသွင်းတဲ့ supplierများထံ ကန်ထရိုက်ဖြင့် အ၀တ်အစားချုပ်လုပ်နေသည့် brands များနဲ့လည်း ညှိနှိုင်းဆောင်ရွက်ရဦးမှာ ဖြစ်ပါတယ်။ H&M ရဲ့ အထည်တွေကို ချုပ်ရင် ချုပ်ခကတစ်မျိုး တခြား brand တွေရဲ့ အထည်တွေကို ချူပ်ရင် ချုပ်ခတစ်မျိုး ဖြစ်နေရင် အထည်ချုပ်လုပ်ငန်းရှင်အနေဖြင့် ဆန္ဒပြတာကို ကြုံရပါလိမ့်မယ်။ တခြား brand တွေအနေဖြင့်လည်း အလုပ်သမားရေးရာ အဖွဲ့အစည်းတွေနဲ့ ထိပ်တိုက်ရင်ဆိုင် ရလိမ့်မယ်။
အကောင်းမျှော်လင့်ကြသူတွေ ရှုမျှော်ကြည့်တာကတော့ H&M က အခုလို ရှေ့မှ ဦးဆောင်ပြီး အပြောင်းအလဲတွေ လုပ်ကိုင်သွားရင် ကျန်တဲ့ လက်လီအရောင်းလုပ်ငန်းတွေကလည်း လိုက်လုပ်လာကြရလိမ့်မယ်။ အဲဒီအခါမှာ ချိန်ညှိမှုတွေ လုပ်ကြရလိမ့်မယ်။ အလုပ်သမားတွေအနေဖြင့် စားဝတ်နေရေးကို ကာမိတဲ့ လုပ်ခကို မရခဲ့ရင်တောင် ယခုရနေတာထက်တော့ သာမှာ သေချာပါတယ်လို့ သူတို့က ဆိုထားပါတယ်။