Odisha သည် ရိုးရာလည်စည်းများနှင့် ဆိုးဆေးအမျိုးအစားများကို global brand အဖြစ် ထုတ်လုပ်ဖန်တီးရန် ပုဂ္ဂလိကရင်းနှီးမြုပ်နှံမှုများကို စည်းရုံးမယ်လို့ ဆိုတယ်။
အဆိုပါအချက်ကို Bhubaneswar တွင် မကြာသေးမီကပြုလုပ်ခဲ့သည့် အစည်းအဝေး၌ အတွင်းရေးမှူးချုပ် AK Tripathy က သဘာပတိအဖြစ် တင်ပြခဲ့ပြီး ပြည်နယ်၏အထည်အလိပ်နှင့် လက်မှုပညာဌာနမှ ပြသခြင်းနှင့် ပြပွဲများမှတဆင့် တစ်ကမ္ဘာလုံး သိမြင်နိုင်စေရန်အတွက် တိုးမြှင့်တောင်းဆိုခဲ့ပါတယ်။
Tripathy က ဌာနတွင်းရှိအရာရှိများနှင့် နည်းပညာကျွမ်းကျင်သူများထံမှ ကောင်းသောစွမ်းဆောင်ရည်များကို ခွဲခြားသတ်မှတ်သင့်ပြီး ၎င်းတို့အား ဒီဇိုင်းဆွဲကာ ပုဂ္ဂလိကလုပ်ဖော်ကိုင်ဖက်များထံ ရောင်းချရန် ဖြစ်တယ်လို့ အကြံပြုခဲ့တယ်။ သူသည် Bargarh ဒေသရှိ Balijury Haat အား အာရှတွင် ခေတ်မီဖွံ့ဖြိုးမှုများနှင့် ဈေးကွက်ချိတ်ဆက်မှုအမျိုးမျိုးရှိသည့် အကြီးဆုံးပွင့်လင်းမြေပြင်အထည်ဈေးကွက်အဖြစ် တိုးတက်လာစေရန် ဌာနအား ညွှန်ကြားခဲ့တယ်လို့ သတင်းမီဒီယာတစ်ခုမှ သိရတယ်။
ပြည်နယ်အတွင်းရေးမှူးချုပ်သည် ဆန်းသစ်သော ဒီဇိုင်းများ၊ motif ပြုလုပ်ခြင်း၊ ပေါင်းစပ်ခြင်း၊ ရောနှောခြင်း၊ ချည်မျှင်နှင့်အခြားလုပ်ဆောင်မှုများတွင် အလုပ်သင်နှင့်ပညာသင်ဆုအစီအစဉ်များကို စတင်ရန် ဌာနကို ညွှန်ကြားခဲ့တယ်။ Odisha ၏ Pasapali, Sonepuri, Bomkai နှင့် Kotpad တို့၏ဒီဇိုင်းများသည် ကမ္ဘာ့ဒီဇိုင်းများအဖြစ် တိုးတက်ရန် အလားအလာပိုများကြောင်း အစည်းအဝေးတွင် Sharma ကပြောကြားခဲ့တယ်။
Odisha ဒီဇိုင်းများ၏ မြှင့်တင်ရေးတွင် ပါဝင်ရန် နိုင်ငံတကာမှ နာမည်ကြီးဒီဇိုင်နာများကို ဖိတ်ကြားလိမ့်မည်ဟု အစည်းအဝေးကဆုံးဖြတ်ခဲ့တယ်လို့ ဆိုတယ်။ ရက်ကန်းသမားများသည် ရက်ကန်းများ ဆက်လက်လည်ပတ်နိုင်ရန်အတွက် အရည်အသွေးကောင်းသည့်ကြိုးများကို ကြိုတင်ပေးရမှာ ဖြစ်တယ်။ ရက်ကန်းမှထုတ်ကုန်များကို ဝယ်ယူရန် Bayanika၊ Utkalika နှင့် Sambalpuri Bastralaya ကဲ့သို့သောအုပ်စုများကို အကျိုးစီးပွားကင်းမဲ့သော အရင်းအနှီးများပေးမယ်လို့ ဆိုတယ်။
ဌာနသည် e-commerce ကို အာရုံစိုက်ရန် စီစဉ်ခဲ့ပြီး အထည်အလိပ်ဒါရိုက်တာ JP Dash က Flipkart, Amazon နှင့် GoCoop တို့နဲ့ ချိတ်ဆက်မှုများရှိခဲ့တယ်လို့ ပြောကြားခဲ့တယ်။
By htikehtike (Myanmar Textile & Garment Guide)
Ref: fibre2fashion.com