သင့်ဘ၀မှာ ၀လာလိုက်တာ…၀တ်စရာ မရှိ တော့ဘူးဆိုတဲ့နေ့ကို အနည်းဆုံး တစ်ကြိမ်တော့ ဖြတ်သန်းခဲ့ဖူးမှာပါ။
ပိတ်ရက်တွေ ဆက်သွားလို့ အိမ်မှာ စိတ်လွတ်လက်လွတ် အနားယူမိလိုက်တဲ့ အခါ (မထတမ်းအိပ်ခြင်း၊ စိတ်ကြိုက်စားခြင်း)၊
သူငယ်ချင်းတွေနဲ့ မိတ်ဆုံစားပွဲတွေ ဆက်လာတဲ့ အခါ ဒီလို အခါသမယတွေပြီး တစ်မနက်ခင်းမှာ တော့ အထက်မှာပြောခဲ့တဲ့ အခြေအနေကို သင် ကြုံတွေ့ရနိုင်ပါတယ်။ ဒီလိုအချိန်မရောက်ခင် ကြိုတင်ပြင်ဆင်ထားသင့်တဲ့ အရေးပေါ်ဖက်ရှင်
အမျိုးအစား အနည်းငယ်ကို ဖော်ပြပေးလိုက်ပါတယ်။
ကုတ်အင်္ကျီ
အထပ်ထပ်အလွှာလွှာ ဒီဇိုင်း ၀တ်ဆင် ခြင်းကလည်း သင်ဝလာကို လူတွေ သတိမထားမိ အောင် အာရုံလွှဲနိုင်မယ့်အကြောင်း ဖြစ်ပါတယ်။ ဒါကြောင့် စိတ်ကြိုက်အိပ်လိုက်၊ စားလိုက် လုပ်ပြီး နောက် တိုးလာတဲ့ခန္ဓာကိုယ် အတိုင်းအတာ ကိန်း
ဂဏန်းကို လူတွေသတိမထားမိအောင် ဖုံးကွယ်ဖို့ အားကိုးတစ်ခုတော့ ရှာထားသင့်ပါတယ်။ ဆိုင်ကောင်းကောင်းမှာ အမည်းရောင် ကုတ်အင်္ကျီတစ် ထည်လောက် အပ်ထားလိုက်ပါ။ ကုတ်အင်္ကျီကို လည်ပင်းပေါက်ကျဉ်းကျဉ်း၊ ကော်လံကြောင်း ရှည်ရှည်နဲ့ ခါးသိမ်သိမ်ချုပ်ပေးဖို့ စက်ချုပ်ဆရာကို မှာဖို့ မမေ့ပါနဲ့။
Pencil Skirt
ဝလာတဲ့လူတိုင်း ပြုလုပ်နေကျ အမှား တစ်ခုရှိပါတယ်။ ကိုယ်ခန္ဓာနဲ့ အတိအကျဖြစ်နေတဲ့ အ၀တ်အစားတွေကို ၀တ်ဆင်ဖို့ မရွံ့မရဲ ဖြစ်လာ ကြတာပါပဲ။ ခန္ဓာကိုယ်က ၀ဖြိုးလာတာကြောင့် အဲဒါကို ဖုံးကွယ်ဖို့ အင်္ကျီပွပွတွေ၊ စကပ်ပွပွတွေ ကို ရွေးချယ်လိုက်လေ့ ရှိကြပါတယ်။ ဒီလို ပွပွ ရွရွ အ၀တ်အစားတွေက သက်တောင်သက်သာ ရှိတာ တစ်ခုကလွဲလို့ သင့်အားနည်းချက်ကို ဖုံး ကွယ်ပေးနိုင်ဖို့ နေနေသာသာ ပိုလို့တောင် ပြည့် ဖောင်းနေတယ်လို့ အများအမြင်မှာ ထင်မှတ်စေနိုင် ပါတယ်။ အကောင်းဆုံးကတော့ Pencil Skirt ပါ။ သင့်ခန္ဓာကိုယ်နဲ့ အတိအကျ ဖြစ်နေမယ့် Pencil Skirt က သင့်ရဲ့ ခါးအောက်ပိုင်း ခန္ဓာကိုယ်ကို သွယ်လျသွားစေပါတယ်။ ဖက်ရှင်ကျကျနဲ့ သွယ် သွယ်လျ လျ ဖြစ်ချင်တယ်ဆိုရင်တော့ Color Blocked စတိုင်လ်ကိုပဲ ထပ်မံရည်ညွှန်းချင်ပါတယ်။
Pants
ဝလာတဲ့အခါ ရွေးချယ်ဝတ်ဆင်သင့်တဲ့ အမျိုးအစားက Cutting ကောင်းကောင်းနဲ့ ချုပ်ထားတဲ့ ခါးတင်ဘောင်းဘီအကြပ် ဖြစ်ပါတယ်။ အရောင်ရင့်ရင့်က အသင့်တော်ဆုံးဖြစ်ပြီး သင့်ရဲ့ ပေါင်တံတွေကိုရှည်ပြီး သွယ်နေသယောင် ဖြစ်စေ ပါတယ်။ ခါးတင်ဆိုရာမှာ ခါးအပေါ်ထိရောက်လွန်းတဲ့ အမျိုးအစားမဖြစ်သင့်ဘဲ ခါးအောက်၊ တင်အထက်နားကျကျ ဘောင်းဘီကိုပဲ ရွေးချယ်သင့်ပါတယ်။ ဒီဖက်ရှင်ကို ပေါ်လွင်အောင်ခါးတိုအင်္ကျီလို၊ ခါးစည်းအင်္ကျီလို အမျိုးအစားနဲ့ တွဲဖက်ဝတ်ဆင်သင့်သလို အင်္ကျီကို ခါးထဲထည့်ပြီး ၀တ်ဆင်တာမျိုးကလည်း သင့်ကို စတိုင်ကျစေပါတယ်။
Color Blocked
အရောင်အနုနဲ့အရင့်၊ ဒါမှမဟုတ် ဆန့် ကျင်ဘက် အရောင်ရင့်ရင့်ကို တွဲဖက်ထားတဲ့ Color Blocked အင်္ကျီတွေက မျက်စိကိုလှည့်စားပြီး သင့်ကို လုံးဝပိန်သွယ်သယောင် ထင်မှတ်စေပါ တယ်။ ဒါကြောင့် ၀လာပြီလို့ ကိုယ့်ကိုယ်ကို ထင်တဲ့
အခါ ဒီလိုအင်္ကျီအမျိုးအစားကို ရွေးချယ်ဝတ်ဆင်သင့်ပါတယ်။ ပုခုံးကနေ ခြေတံတွေအထိ ပိန် သွယ်သယောင် ထင်မှတ်စေချင်တယ်ဆိုရင်တော့ ဒေါင်လိုက် အစင်းကြောင်းတွေ ပါဝင်တဲ့ Color Blocked Dress တွေကို ရွေးချယ်နိုင်ပါတယ်။
Wrap Dress
အဆီအခေါက်လေးနဲ့ ၀လာတာဆိုရင်တော့ ကိုယ်နဲ့ အတိအကျဖြစ်နေတဲ့ အ၀တ်အစားတွေက အဆင်မပြေနိုင်တော့ပါဘူး။ ဒီလို ဆိုလိုက်လို့ ခေါင်းစားစိတ်ရှုပ်သွားစရာလည်း မလိုအပ်ပါဘူး။ Wrap Dress အမျိုးအစားကို ရွေးချယ်နိုင်ပါ တယ်။ Wrap Dress ဆိုတဲ့အတိုင်း ၀တ်စုံရဲ့ ဒီဇိုင်းအတွန့်အဖတ် လေးတွေ၊ ခါးစည်းတွေ၊ ခပ်စွေစွေပိတ်စ တွေက သင့်ရဲ့ အားနည်းချက် ဖြစ်နေမယ့် ပူနေတဲ့ ဗိုက်၊ ဆူထွက်နေတဲ့ အခေါက်တွေကို ဖုံးကွယ်ပေးပါလိမ့်မယ်။
