Fashion ဆိုတာ လူတိုင်းအတွက် လိုအပ်တဲ့ မရှိမဖြစ် အရာတစ်ခုပါပဲ။ ဒါပေမဲ့လည်း Runway ပေါ်က fashion တွေထဲမှာဆိုရင် တကယ့်အပြင်မှာ ဝတ်ဆင်နိုင်ဖို့ဆိုတာ သိပ်တော့ မလွယ်ကူလှပါဘူး။ အခုလည်း fashion လောကမှာ ခေတ်စားနေတဲ့ အရာကတော့ ပေါင်မုန့်လက်ကိုင်အိတ်ပါပဲ။
2020 ရဲ့ Fall/Winter Collection ထဲမှာ ထုတ်ပြခဲ့တဲ့ လက်ကိုင်အိတ်ဒီဇိုင်းလေးတွေပဲ ဖြစ်ပါတယ်။ ဒီ collection ထဲမှာ ဆောင်းတွင်း ဝတ်လို့ရနိုင်မယ့် အင်္ကျီတွေလည်း ပါဝင်နေပါတယ်။
အဲဒီအထဲမှာမှ ထူးခြားတဲ့ ဒီဇိုင်းတစ်ခုကြောင့် လူတွေ စိတ်ဝင်စားမှုမြင့်တက်လာခဲ့ကြပြီး အင်တာနက်ပေါ်မှာလည်း တော်တော်လေးကို အရေးကြီးခွင်ကျယ်ဖြစ်လာနေခဲ့ပါတယ်။ ဒီဇိုင်းကတော့ ပေါင်မုန့်ရှည်ပုံစံပါ။ Baguette လို့ခေါ်တဲ့ ပေါင်မုန့်ရှည်ပုံစံမျိုးကိုမှ လက်ကိုင်အိတ်ပုံစံ ပြုလုပ်ထားတာပဲဖြစ်ပါတယ်။
Luxury brand တစ်ခုက ထုတ်လုပ်ထားတာကြောင့် Bagutte လက်ကိုင်အိတ်ရဲ့ တန်ဖိုးကတော့ ဒေါ်လာနဲ့ဆိုရင် ဒေါ်လာ ၁၂၀၀ တောင်ပေးရမှာပဲဖြစ်ပါတယ်။ Farfetch လိုမျိုး website တွေမှာ ရနိုင်ပါတယ်။
ပေါင်မုန့်ရှည်ပုံစံအပြင်ကိုမှ Croissant ပေါင်မုန့်လို ပုံစံလေးတွေကိုလည်း တွေ့ရပါတယ်။
Myanmar Textile & Garment Guide
Ref: hypebae.com