Site is under maintenance!

What's new



ခေတ်မီပြီး ဖက်ရှင်ကျတဲ့ အမျိုးသမီးတစ်ယောက် ဖြစ်ဖို့

ခေတ်မီပြီး ဖက်ရှင်ကျတဲ့ အမျိုးသမီးတစ်ယောက် ဖြစ်ဖို့ google

ခေတ်မီပြီး ဆွဲဆောင်မှုရှိခြင်း၊ အမြဲတမ်းအများအလယ်မှာ ဖက်ရှင်ကျသူတစ်ယောက်ဖြစ်ဖို့ဆိုတာ အမျိုးသမီးအများစုရဲ့ အိမ်မက်ပါ။

ဒီလို လူအများအလယ်မှာ ထင်ပေါ်နေဖို့အတွက် အခြေခံအရာတွေကို နားလည်ထားဖို့ လိုအပ်ပါတယ်။ ကိုယ့်ရဲ့ကိုယ်ပိုင်စတိုင်ကို ဖန်တီးဖို့ဆိုတာဟာလည်း မြင်နေတဲ့အရာတွေ လေ့လာစရာတွေကနေ စတင်ပြီးသင်ယူမှရမှာပါ။

၁။ ဖက်ရှင်မဂ္ဂဇင်းနဲ့ ဝက်ဆိုက်တွေကို ဖတ်ရှုပါ
ဖက်ရှင်ကျတဲ့သူတစ်ယောက် ဖြစ်ဖို့ဆိုရင် အရင်ဆုံးခေတ်ရေစီးကြောင်းကို မျက်ခြည်မပြတ်ကြည့်နေဖို့ လိုအပ်ပါတယ်။ ဒါကြောင့် ဖက်ရှင်နဲ့ပတ်သတ်တဲ့ မဂ္ဂဇင်းတွေ ဝက်ဆိုက်တွေကို အမြဲမပြတ်လေ့လာနေဖို့ လိုပါတယ်။

၂။ ဖက်ရှင်ဒီဇိုင်းတွေ တီထွင်တဲ့ ဘလော့ဂါ၊ ဒီဇိုင်နာတွေကို follow လုပ်ပါ
ဖက်ရှင်ဒီဇိုင်နာတွေအတော်များများဟာ ဘလော့ဂါတွေ ဖြစ်နေကြပါတယ်။ ဒါကြောင့်သူတို့ရဲ့တီထွင်ကြံဆမှုတွေကို လေ့လာနိုင်ဖို့အတွက် follow လုပ်ဖို့မမေ့ပါနဲ့။

Read More>>> ဂါဝန်ဝတ်တဲ့အခါ ခန္ဓာကိုယ် သွယ်လျတဲ့ပုံ ပေါက်စေမယ့် နည်းလမ်းများ (၁)

၃။ အဝတ်အစားတွေကို fit ဖြစ်စေဖို့အတွက် အပ်ချုပ်ဆိုင်ကိုမကြာခဏသွားပါ
အွန်လိုင်းမှာ အဝတ်အစားလှလှလေးတွေတွေ့ရင် ဝယ်ချင်ကြတာ အမျိုးသမီးတွေရဲ့ ဓမ္မတာပါ။ ဒါပေမယ့် ဝယ်ယူပြီးတဲ့ အချိန်မှာတော့ ကိုယ်ထင်ထားသလို ဖြစ်မလာပဲ ပုံမကျပန်းမကျတွေ ဖြစ်နေတတ်ပါတယ်။ ဒီလိုပြဿနာမဖြစ်ရအောင် ကိုယ်တိုင်းနဲ့အပ်ချုပ်ဆိုင်ကောင်းကောင်းမှာ အပ်တဲ့အလေ့အကျင့်ကို ပြုလုပ်ပါ။ မတော်တဲ့အဝတ်တွေကိုလည်း ပြန်ပြင်နိုင်တဲ့အတွက် သင့်ကိုစိတ်ချမ်းသာပြီး ဖက်ရှင်ကျနေစေပါလိမ့်မယ်။

၎။ အခြောက်လျှော်ရမယ့် အဝတ်အစားတွေကို မဝယ်ပဲမနေပါနဲ့
သင်နှစ်သက်နေပေမယ့် ရေနဲ့လျှော်လို့ မရတာကြောင့် မဝယ်ဘူးလို့ မဆုံးဖြတ်ပါနဲ့။ ဖက်ရှင်ကျတဲ့ သူတွေဟာ ရေနဲ့လျှော်လို့မရတဲ့ အဝတ်တွေကို ဘယ်တော့မှ စိုးရိမ်လေ့မရှိပါဘူး။ ဒါကြောင့် ဆွယ်တာတစ်ထည်ကို မျက်စိကျလို့ ဝယ်မယ်ဆိုရင် ဝယ်လိုက်ပါ။ ပြီးလျှင်လှလှပပဝတ်ပြီး တလမှာတခါလောက် အခြောက်လျှော်ပေးရုံနဲ့ အဆင်ပြေပါတယ်။

၅။ ဆိုဒ်အတွက် စိတ်မပူပါနဲ့
သင်ဝတ်နေကြဆိုဒ်ပဲ အမြဲတမ်းရှာဖွေနေမယ့်အစား မတူညီတဲ့ brand တွေကို ဆိုဒ်မျိုးစုံစမ်းဝတ်ကြည့်ပါ။ ဘာကြောင့်လဲဆိုတော့ brand တိုင်းဟာ တစ်ခုနဲ့တစ်ခု ဆိုဒ်ကွာခြားနေတတ်ပါတယ်။ ဒါကြောင့် ကိုယ်ဝတ်နေတဲ့ဆိုဒ်မရှိရင်လည်း အခြားဆိုဒ်ကိုစမ်းဝတ်ကြည့်ဖို့မမေ့ပါနဲ့။

၆။ ဘယ်အချိန်ဝတ်ရမယ်ဆိုတာကို မသိရင်တောင်မှ သင်ကြိုက်နေရင်ဝယ်လိုက်ပါ
ဈေးဝယ်ရင်း အဝတ်အစားလှလှလေးတွေ့ပေမယ့် ဝတ်မယ့်နေရာမရှိလို့ မလိုသေးဘူးဆိုပြီး မဝယ်ပဲမနေပါနဲ့။ ကြိုက်နေရင်ဝယ်ထားပါ။ ဒါမှသင့်ရဲ့အဝတ်ဗီရိုထဲမှာ ကိုယ်နှစ်သက်တဲ့အရာတွေပြည့်နေပြီး မထင်မှတ်ပဲပေါ်လာတဲ့ ကိစ္စတွေရှိခဲ့ရင်လည်း အလှဆုံးနဲ့အဆင်သင့်ဖြစ်နေမှာပါ။

၇။ ဖက်ရှင် trend အသစ်တွေပေါ်လာရင်လည်း စမ်းကြည့်ပါ
ကလေးတွေကို ကျွန်တော်တို့က အစားအစာအသစ်တွေနဲ့ မိတ်ဆက်ပေးသလိုပဲ ခေတ်ရေစီးကြောင်းအရ ပြောင်းလဲနေတဲ့ ဖက်ရှင်တွေကို မကြိုက်ရင်တောင်မှ စမ်းကြည့်ဖို့ ဝန်မလေးပါနဲ့။ ဒါပေမယ့် ပေါ်လာသမျှဖက်ရှင်တွေကို ဝယ်ယူရမယ်လို့ မဆိုလိုပါဘူး။ သင့်ရဲ့ကိုယ်ခန္ဓာအချိုးအစား၊ ဖက်ရှင်အမြင်စတဲ့တွေအားလုံးနဲ့ အဆင်ပြေလောက်မယ်ထင်တဲ့အရာတွေကိုသာ ရွေးချယ်ပြီးစမ်းဝတ်ကြည့်ပါ။

၈။ ဝယ်နေကြအကောင်းဆုံးဆိုင်နဲ့ ခင်မင်အောင်နေပါ
ကိုယ်ဝယ်နေကြဆိုင်နဲ့ ရင်းနှီးနေတဲ့အတွက် အသစ်ရောက်တဲ့အရာတွေ၊ အကြံဥာဏ်တွေ၊ ဝန်ဆောင်မှုတွေကို အမြဲတမ်းရနေစေတဲ့အတွက် ပိုပြီးအဆင်ပြေစေပါတယ်။

၉။ ကိုယ်ရဲ့ကိုယ်ပိုင်စတိုင်ကို နားလည်ပြီး နှစ်သက်မှုကိုဦးစားပေးပါ
သင်နှစ်သက်တဲ့ ကိုယ်ပိုင်စတိုင်ဟာ ရိုးရှင်းနေပေမယ့် အများအမြင်မှာ သင့်ကိုကြည့်ကောင်းနေတယ်ဆိုရင် ထိန်းသိမ်းထားသင့်ပြီး ပိုကောင်းအောင်ပြင်ဆင်နေထိုင်သင့်ပါတယ်။ ဖက်ရှင်အကြောင်းကိုလည်း ပိုမိုနားလည်သိရှိအောင် ကြိုးစားနေခြင်းဖြင့် ကိုယ့်ကိုယ်ကိုယုံကြည်မှု ပိုရှိလာပြီး အောင်မြင်မှုတွေ ပျော်ရွင်မှုတွေ ရရှိပါလိမ့်မယ်။

၁၀။ ဈေးကြီးတဲ့ အရာအသေးလေးတစ်ခုလောက်ပဲဝယ်ရုံပါပဲ
သင့်ရဲ့ကိုယ်မှာ ဆင်ထားတဲ့အရာတွေအားလုံးဟာ ဈေးကြီးတဲ့ branded တွေဖြစ်နေဖို့မလိုပါဘူး။ ဒီအစား ခါးပတ်၊ ဖိနပ်၊ လက်ကိုင်အိတ်၊ သို့မဟုတ် ရတနာ စတဲ့အရာလေးတစ်ခုက အမြဲတမ်းဈေးကြီးပြီး နာမည်ကြီး brand ဖြစ်နေရင်ကို လုံလောက်ပါတယ်။

Source: Lifestyle__Myanmar

Myanmar Textile and Garment Directory

Read 318 times
Rate this item
(0 votes)