ပိုက်ဆံရှိမှ ဈေးကြီးတဲ့ brand အဝတ်အစားတွေ ဝယ်ဝတ်ပြီး အထက်တန်းကျတယ်လို့ ထင်ရစေမှာ မဟုတ်ပါဘူး ။ ပုံမှန် ဝင်ငွေရှိတဲ့သူတွေလဲ အထက်တန်းကျပြီး ဈေးကြီးတယ် ထင်ရအောင် ဝတ်စားလို့ ရပါတယ်။ အဝတ်အစားကို စမတ်ကျကျ ဝတ်တတ်ပြီးတော့ ဖက်ရှင်အကြောင်း နားလည်မယ်ဆိုရင် ငွေကုန်ကြေးကျ နည်းနည်းနဲ့ အထက်တန်းကျတယ် ထင်ရအောင် ဝတ်စားနိုင်မှာပါ ။
ဒါ့ကြောင့် ကိုယ့်ဖက်ရှင်ကို ကြည့်လိုက်တာနဲ့ အထက်တန်းကျပြီး ဈေးကြီးတယ်လို့ ထင်ရစေမယ့် ဖက်ရှင် tips လေးတွေ ဝေမျှလိုက်ပါ တယ်။
- အနက်ရောင်
အနက်ရောင်ဟာ အနောက်တိုင်းဖက်ရှင်လောကမှာတော့ အထက်တန်းအကျဆုံးဖြစ်ပြီးနေရာတိုင်းနဲ့ သင့်တော်ကာ ဈေးကြီးတယ်ထင်ရစေတဲ့အရောင်ဖြစ်ပါတယ်။ သာမာန် ရိုးရိုးအနက်ရောင်ဂါဝန်လေး ဝတ်လိုက်ရုံနှင့် ပွဲလမ်းတိုင်းကို အထက်တန်းကျတဲ့ ပုံစံနဲ့ တက်နိုင်ပါ တယ်။ အဖြူနဲ့အနက်ကို ရောစပ်ပြီး ဝတ်ပေးရင်လဲ ဈေးကြီးတယ်လို့ ထင်ရစေမှာပါ။
- ကုတ်အင်္ကျီ
ကုတ်အင်္ကျီလေးတွေဟာ စမတ်ကျစေလို့ အထက်တန်းကျပြီးဈေးကြီးတယ် ထင်စေချင်ရင်တော့ ကုတ်အင်္ကျီလေးတွေကို ဝယ်ထားသင့်ပါတယ်။ ကုတ်အင်္ကျီတွေကို ဘာနဲ့တွဲဝတ်ဝတ် လိုက်ပါတယ်။ စကပ်ပုံစံအမျိုးမျိုး၊ စတိုင်ပန့်တွေ ဂျင်းဘောင်းဘီနဲ့ တွဲဝတ်လို့လဲ ရလို့ ဝယ်ထားရင် မမှားပါဘူး ။
- ကွက်တိတော်တဲ့ အဝတ်အစား
ကိုယ်လုံးနဲ့ကွက်တိဖြစ်တဲ့အဝတ်အစားတွေဝတ်ပေးခြင်းအားဖြင့်နဲ့လဲဈေးကြီးတဲ့ပုံစံပေါက်စေမှာပါ။ ကိုယ်လုံးကောက်ကြောင်းလှတယ်ဆိုရင်ပိုပြီးဝတ်သင့်ပါတယ်။တအားကြီးကြပ်တာမျိုးမဟုတ်ပဲနဲ့ အနေတော်ကွက်တိဖြစ်တဲ့အဝတ်အထည်တွေကိုရွေးပါ။
- ထိပ်ချွန်ဖိနပ်
ထိပ်ချွန်ဖိနပ်တွေဟာ အမြဲလိုလိုဈေးကြီးပြီး အထက်တန်းကျတယ်လို့ ထင်ရစေပါတယ်။ ထိပ်ချွန်ဖိနပ်အပါးပဲစီးစီး ဒေါက်ဖိနပ်ပဲ စီးစီးအဆင်ပြေပါတယ်။ ဖိနပ်ကို အနက်ရောင် ဒါမှအဟုတ် အခြားအရောင်ပြောင်လေးတွေ စီးလဲ သင့်တော်ပါတယ်။
- အိတ်အတောင့်
ပိုက်ဆံအိတ်ရွေးချယ်မှုကလဲ အရေးကြီးပါတယ်။ ဈေးကြီးတယ်ထင်ရစေတဲ့ ပိုက်ဆံအိတ်ဒီဇိုင်းတွေ ကတော့ ပိုက်ဆံအိတ်အတောင့်တွေဖြစ်ပါတယ်။ လေးထောင့်ပုံစံရှိပြီး တောင့်တောင့်ဖြောင့်ဖြောင့် ရှိတဲ့ အိတ်မျိုးတွေကို ဝယ်ပါ။
- ဖိနပ်နဲ့အိတ် အရောင်ဆင်တူ
အဝတ်အစားနဲ့ အရောင်မတူရင်တောင် အိတ်နဲ့ ဖိနပ်တစ်ရောင်ထဲ ဖြစ်နေရင် အထက်တန်းကျတယ် ထင်ရစေပါတယ်။ အဝတ်အစားနဲ့လဲလိုက်ဖက်ညီတဲ့ အရောင် ဖြစ်ဖို့ လိုပါတယ်။ အိတ်တွေ ဖိနပ်တွေ အများကြီးဝယ်ဖို့ ပိုက်ဆံမရှိရင် ဘာနဲ့တွဲဝတ်ဝတ် လိုက်တဲ့အရောင်တွေ ဖြစ်တဲ့ အဖြူတို့ အနက်တို့ကို ရွေးဝယ်ထားသင့်ပါတယ်။
By Myanmar Textile & Garment Guide
Source:jasmine