ရန္ကုန္ အထည္ခ်ဳပ္ေလာက စစ္တမ္းထြက္ေပၚ

ရန်ကုန် အထည်ချုပ်လောက စစ်တမ်းထွက်ပေါ်
မြန်မာနိုင်ငံ အချည်ချုပ်ကဏ္ဍမှ ရန်ကုန်မြို့မှာ လုပ်ကိုင်နကြေတဲ့ လုပ်သားတွေကို စစ်တမ်း ကောက်ယူတာမှာ အိမ်ထောင်မရှိသူ အမျိုးသမီး အသက် ၁၆ မှ ၂၃ နှစ်အတွင်း ရှိသူတွေရဲ့ တစ်လတာ ဝင်ငငွဟာ အချိန်ပိုဆင်းတာတွေ အပါအဝင် ကျပ် ၁၂,ဝဝဝ ပျမ်းမျှအားဖြင့် ရရှိကြောင်း တွေ့ရပါတယ်။
C&A Foundation မှ ကမကထပြုပြီး Enlightened Myanmar Research Foundation နဲ့ Andaman Research & Advisory တို့မှ စစ်တမ်းကို ဆောင်ရွက်ခဲ့တာ ဖြစ်ပါတယ်။ စစ်တမ်းရဲ့အမည်ကို Baseline Survey of Yangon’s Garment Sector Workers လို့ အမည်ပေးထားပါတယ်။
လတ်တလောနှစ်တွေမှာ အထည်ချုပ်ကဏ္ဍ လျင်မြန်စွာ ကြီးထွားနေကြောင်း မှတ်ချက်ပြုထားပါတယ်။
၂၀၁၂ မှ ၂၁၀၆ ခုနှစ်အတွင်း အထည်ချုပ်ကဏ္ဍမှာ လုပ်သားအင်အားက ၁၁၀,ဝဝဝ ကနေ ၂၅၀,ဝဝဝ ဦးရေ ဖြစ်လာခဲ့ပါတယ်။ အဲဒီကာလမှာ ပြည်ပတင်ပို့တဲ့ တန်ဖိုးပမာဏဟာ ကန်ဒေါ်လာ ၉၁၂ ကနေ ကန်ဒေါ်လာ ၁.၄၆ ဘီလျံ ဖြစ်လာခဲ့ပါတယ်။
အဓိကဈေးကွက် အနေအထားကို ကြည့်ရင် ယခင်တုန်းကဆိုရင် ဂျပန်ဟာ အဓိက ဈေးကွက် ဖြစ်နေခဲ့ပြီး ၂၀၁၅ ခုနှစ်မှ စတင်ကာ အီးယူဈေးကွက်က လျင်မြန်စွာ ကြီးထွားခဲ့ပြီး ၂၀၁၆ ခုနှစ်မှာ အဓိကဈေးကွက်အဖြစ်သို့ ရောက်ရှိသွားခဲ့တယ်။ ၂၁၀၆ ခုနှစ်မှာ မြန်မာနိုင်ငံမှ တင်ပို့တဲ့ ချုပ်ထည်တွေအားလုံးရဲ့ တန်ဖိုးအားဖြင့် ၄၅%ကို အီးယူသို့ တင်ပို့ခဲ့တယ်။ ခန့်မှန်းတန်ဖိုး ကန်ဒေါ်လာ သန်း ၉၅၀ ရှိတယ်။ ဂျပန်က ပထမနေရာမှ ဒုတိယနေရာသို့ ရောက်သွားပြီး ခန့်မှန်းတန်ဖိုး ကန်ဒေါ်လာ ၆၄၇ သန်း၊ ၃၁ ရာခိုင်နှုန်း ရှိပါတယ်။ တတိယနေရာမှာတော့ ၁၆% ဖြင့် ကိုရီးယား ရှိနေတယ်။

စစ်တမ်းက ရန်ကုန်ကို အဓိကထားပြီး ကောက်ယူထားတယ်။ ရန်ကုန်မှာ အထည်ချုပ် စက်ရုံပေါင်း ၂၀၀ ကျော် ရှိတယ်။ မြင့်မားအရည်အသွေး မြင့်မာပမာဏဖြင့် လုပ်ကိုင်ပြီး ပြည်ပတင်ပို့ရန် စူးစိုက်လုပ်ကိုင်တဲ့ လုပ်ငန်းတွေနဲ့ နည်းပါးပမာဏဖြင့် လုပ်ကိုင်ပြီး ပြည်တွင်းဈေးကွက်ကို ဦးတည်ထားတဲ့ လုပ်ငန်းတွေ ရောနှောပါဝင်နေတယ်။

ပြည်ပပို့ကုန်လုပ်ငန်းအများစုဟာ စက်မှုဇုန်တွေမှာ တည်ရှိတယ်။ သီလဝါ အထူးစီးပွားရေးဇုန်ကိုလည်း မျက်စိကျနကြေတယ်။ ဆိပ်ကမ်းနဲ့ ပံ့ပိုးမှုအင်္ဂါရပ် ပြည့်စုံပြီး စနစ်ကျတာကြောင့် သီလဝါမှာ အထည်ချုပ်စက်ရုံ ထောင်လိုကြတယ်။

စစ်တမ်းက အထည်ချုပ်လုပ်သား ၇၇၈ ယောက်ကို မေးမြန်းခဲ့ပြီး ၉၄% ဟာ အမျိုးသမီးတွေ ဖြစ်ပါတယ်။ လှိုင်သာယာနဲ့ ရွှပြေည်သာ စက်မှုဇုန်တွေမှာ မေးမြန်းခဲ့တာ ဖြစ်ပါတယ်။
အထည်ချုပ်စက်ရုံတွေအတွက် အမျိုးသမီးငယ် လုပ်သားတွေဟာ ကျေးလက်ဒေသမှ လာရောက်လုပ်ကိုင်ကြသူတွေ များပါတယ်။ အများစုက ဧရာဝတီ၊ ပဲခူးနဲ့ မကွေး တိုင်းဒေသကြီးများမှ လာရောက်လုပ်ကိုင်နကြေသူတွေ ဖြစ်ပါတယ်။
ရခိုင်လူမျိုး လုပ်သားဦးရေက လုပ်သားအင်အားစုရဲ့ ၁၉% ရှိပြီး လူနည်းစုလူမျိုးတွေထဲမှာ အများဆုံးဖြစ်ပါတယ်။ လုပ်သားအင်အားစုရဲ့ ၇၅% ဝန်းကျင်ဟာ ဗမာတွေ ဖြစ်ပါတယ်။
အထည်ချုပ်လုပ်သားအင်အားစုရဲ့ ၈၃% မှာ စမတ်ဖုန်းတွေ ရှိပြီး ကီးပက်ဖုန်း သုံးစွဲသူ နည်းပါးပါတယ်။ ဖုန်းဘေလ်ကိုတော့ ကျပ် ၁၀,ဝဝဝ မကျော်အောင် သုံးစွဲကြတယ်။
ရတဲ့လစာနဲ့ ချိန်ဆကြည့်ရင် ဖုန်းဖိုးသုံးစွဲမှု မြင့်မားပါတယ်။
အထည်ချုပ် အမျိုးသမီးတွေမှာ ၂၄ မှ ၂၇ သက်လတ်ပိုင်းဟာ ချွေတာသုံးစွဲပြီး အိမ်ကို ငွပြေန်ပို့ကြတယ်။