မြန်မာနိုင်ငံရှိလူဦးရေ၇၀ရာခိုင်နှုန်းမှာကျေးလက်နေပြည်သူများဖြစ်ကြပါတယ်။ ကျေးလက်နှင့်မြို့ပြဟန်ချက်ညီဖွံ့ဖြိုးတိုးတက်ရေးအတွက်ကျေးလက်နေပြည်သူများ၏အလုပ်အကိုင်အခွင့်အလမ်းသည်အရေးကြီးသောဂဏ္ဍ တရပ်ဖြစ်သည်နှင့်အညီအဆိုပါ လိုအပ်ချက်များကိုအမရပူရမြို့ရှိဆောင်းဒါးရက်ကန်းနှင့်အသက်မွေးပညာသိပ္ပံသင်တန်းကျောင်းမှသက်မွေးပညရပ်များကိုဂဏ္ဍတရပ်အနေဖြင့်ဆောင်ရွက်ပေးလျက်ရှိကြောင်းသိရပါတယ်။
မန္တလေးတိုင်းဒေသကြီးအမရပူရမြို့နယ်ရှိရက်ကန်းမြို့တော်ဟုတင်စားခေါ်ကြသလိုဆောင်းဒါးရက်ကန်းသင်တန်းကြီးလည်းတည်ရှိနေပါတယ်။ ဆောင်းဒါးရက်ကန်းသင်တန်းကျောင်းကြီးကိုအမရပူရမြို့စစ်ကိုင်းမန္တလေးကားလမ်းဘေးရှိ၆ဒသမ ၆၇ဧကရှိသောမြေနေရာတွင် ၁၉၁၄ခုနှစ်မျစတင်ဖွင့်လှစ်ခဲ့ကြောင်းမှတ်တမ်းများအရသိရပါတယ်။
၁၉၁၀ခုနှစ်တွင် အထက်မြန်မာပြည်တရားရေးအင်းကြီးMr.L.H Saunders သည်အင်္ဂလန်နီုင်ငံမှလွန်းပျံလက်ခတ်ကိုယူဆောင်ကာမြန်မာ့ရိုးရာရက်ကန်းစင်ပေါ်တင်၍အမရပူရမြို့ရှိရက်ကန်းပညာရှင်များကိုရက်ခတ်ပြသပေးခဲ့ပါတယ်။ရက်ကန်းပညာရှင်တို့ကကြိုက်နှစ်သက်ကြသဖြင့်၎င်းတို့၏တင်ပြချက်အရသင်တန်းများပေးရာမှ၁၉၁၄ခုနှစ်တွင်ရက်ကန်းသင်တန်းကျောင်းစတင်ပေါ်ပေါက်လာခြင်းဖြစ်ပါတယ်။ Mr.L.H Saunders ကို ဂုဏ်ပြုသောအားဖြင့် ဆောင်းဒါးရက်ကန်းသင်တန်းကျောင်းဟု အမည်ပေးခြင်း ဖြစ်ပါတယ်။
၁၉၅၂-၁၉၅၃ခုနှစ်တွင်ဂျပန်နိုင်ငံလုပ်(Harada,Hirano,Suzuki) စက်ရက်ကန်းများတပ်ဆင်၍စက်ရက်ကန်းသင်တန်းများဖွင့်လှစ်ခဲ့ပြီးလက်ရက်ကန်းမှစက်ရက်ကန်းအဆင့်သို့တိုးမြှင့်တက်လှမ်းနိုင်ခဲ့ပြီး စက်ရက်ကန်းပညာပြန့်ပွါးပေးနိုင်ခဲ့ပါတယ်။
၂၀၁၃ခုနှစ်မေလတွင် ကျင်းပသည့်တက္ကသိုလ်ပညာရေးအဖွဲ့များကောင်စီနှင့် တက္ကသိုလ်များဗဟိုကောင်စီအစည်းအဝေးကဆောင်းဒါးရက်ကန်းကျောင်းကိုသိပ္ပံအဆင့်တိုးမြှင့်ပြီးဒီပလိုမာလက်မှတ်များပေးအပ်ရန်တက္ကသိုလ်များဗဟိုကောင်စီကသဘောတူညီခဲ့ပါတယ်။
ဆောင်းဒါးရက်ကန်းနှင့် အသက်မွေးပညာသိပ္ပံတွင်ခေတ်မှီချည်မျှင်နှင့် အထည်အလိပ်အတတ်ပညာရှင်များလေ့ကျင့်သင်ကြားပေးရန်နှင့်ကျွမ်းကျင်သူများမွေးထုတ်ပေးရန်၊ရိုးရာရက်ကန်းအတတ်ပညာသင်တန်းများပို့ချပေးရန်၊၇က်ကန်းလုပ်ငန်းရှင်များ၊အသင်းအဖွဲ့များနှင့် အသေးစားစက်မှုလက်မှုလုပငန်းများဖွံ့ဖြိုးတိုးတက်ရေးပူးပေါင်းဆောင်ရွက်ရန်အစရှိသောရည်ရွယ်ချက်များဖြင့်ဖွင့်လှစ်သင်ကြားပေးလျက်ရှိကြောင်းသိရပါတယ်။
အမရပူရမြုိ့ရှိဆောင်းဒါးရက်ကန်းသင်တန်းကျောင်းကိုယခအခါ”ဆောင်းဒါးရက်ကန်းနှင့်အသက်မွေးပညာသိပ္ပံ”အဖြစ်ဒီပလိုမာလက်မှတ်များပေးအပ်ချီးမြှင့်ကာရက်ကန်းလုပ်ငန်းကျွမ်းကျင်ပညာရှင်များမွေးထုတ်ပေးလျက်ရှိရာနိုင်ငံတော်၏ဖွံ့ဖြိုးတိုးတက်ရေးအတွက် တဖက်တလမ်းမှအထောက်အကူပြုဆောင်ရွက်လျက်ရှိကြောင်းသိရပါတယ်။
အဆိုပါသင်တန်းကြောင်းတွင်လေ့လာသင်ကြားပေးလျက်ရှိသောပုံမှန်သင်တန်းများမှာချည်မျှင်နှင့်အထည်အလိပ်ဒီပလိုမာသင်တန်း၊ရိုးရာလွန်းရာကျော်ချိတ်သင်တန်း၊လက်ရက်ကန်းသင်တန်း၊ရွှေချည်ငွေချည်ထိုးသင်တန်းများဖြစ်ပြီးအခြားအသက်မွေးဝမ်းကျောင်းသင်တန်းများမှာ စက်ရက်ကန်း စက်မောင်း/စက်ပြင်သင်တန်း၊သဘာဝဆေးဆိုးနည်းသင်တန်းများ၊အထည်ပန်းပုံရိုက်ဆေးရေးပန်းချီသင်တန်း၊ရိုးရာဂျပ်ဂုတ်နည်းသင်တန်း၊အခြေခံစက်ချုပ်နည်းပညာသင်တန်း၊လက်ရက်ကန်းအထည်ဒီဇိုင်းသင်တန်း၊အခြေခံမော်တော်ဆိုင်ကယ်ပြုပြင်ထိန်းသိမ်းနည်းသင်တန်း၊အခြေခံလျှပ်စစ်သံဂဟေဆက်သင်တန်းများကိုဖွင့်လှစ်သင်ကြားလျက်ရှိကြောင်းသိရပါတယ်။
source :kyay mhone
