အထည်သားကို လိုအပ်သလို ဖြတ်တောက်ပြီး ဆက်စပ်ချုပ်တွဲပေးကြရတဲ့အခါ
ချုပ်ရိုးမှာ ပြဿနာတွေ ရှိနေတတ်တယ်။ အဲဒီလို ပြဿနာတွေကြောင့် ဖက်ရှင်ဒီဇိုင်း ကောင်းပါလျက် ချုပ်ရိုးဖျက်လို့ ပျက်ရတတ်တယ်။ ချုပ်ရိုး တင်းအားမမှန်ကန်တာ၊ အပ်ကို အပ်ချုပ်စက်မှာ ဟန်ကျပန်ကျ ထပ်မထားတာ၊ အပ်ချည်ပြေးတဲ့ လမ်းကြောင်းမှာ စနစ်တကျ မထားပေးတာ၊ အောက်ချည် ထုတ်ပေးမယ့် ဘော့ဘင်ချည်ရစ်လုံးကို ကျကျနန ထည့်မထားမိတာ စတာတွေကြောင့် အပ်ချုပ်စက်က အရည်အသွေး ပြည့်ပြည့်၀၀ ချုပ်မပေးနိုင်တော့ဘူး။ ဓားစက်ဆိုရင်လည်း အလားတူပင် ဖြစ်နေလိမ့်မယ်။ ကိုယ်ချုပ်နေကျ အပ်ချုပ်စက် မဟုတ်ရင် စစချင်းမှာ ဘယ်ဟာတွေက ဘယ်လို လုပ်ပေးရမလဲဆိုတာ အရင်သင်ယူပြီးမှ အစမ်းချုပ်ကြည့်သင့်တယ်။
အကောင်းဆုံးကတော့ အရင်ဆုံး အစမ်းချုပ်ကြည့်တာကို အမြဲတစေ လုပ်ကိုင်ပေးတာ ဖြစ်ပါတယ်။
ချုပ်ရမယ့် အထည်သားတွေကို နမူနာ အပိုင်းအစတွေ ယူပြီး စက်နဲ့ ချုပ်ကြည့်ရမယ်။
အပ်ရွေးထားတာ မှန်ရဲ့လား၊ အပ်အရွယ်အစားက အိုကေရဲ့လား။ ချည်ကရော မှန်ရဲ့လား။ အထည်သား အမျိုးအစား၊ အထူးအပါးအလေးချိန်တို့နဲ့ ကိုက်ညီရဲ့လား ဆန်းစစ်ပါ။
အစမ်း နမူနာ ချုပ်ရင် အမြဲတစေ လုပ်သင့်တာက ချုပ်ရမယ့် အပိုင်းအစနှစ်ခုကို အတူတွဲပြီး ချုပ်ကြည့်မယ်။ အပ်ချည်တင်းအား အခြေအနေကို စိစစ်မယ်။ အပ်အမျိုးအစားက အဆင်ပြေမပြေ ချုပ်ရိုးကို ကြည့်ပြီး ဆန်းစစ်မယ်။ ချုပ်ရိုး အစိပ်အကြဲကိုလည်း စစ်ဆေးကြည့်မယ်။ အပေါ်ချည်နဲ့ အောက်ချည်တို့ ကွင်းလျှိုပြီး တုပ်နှောင်တဲ့နေရာတွေက အထည်သားနှစ်ခုရဲ့ ကြားနေရာမှာ ဟုတ်ရဲ့လား စစ်ဆေးမယ်။