လူတော်တော်များများက အဝတ်အစားဆိုရင် တစ်စုံတစ်ရာပေကျံသွားမှ လျှော်တာများပါတယ်။ ဒါမှမဟုတ်လည်း တစ်ခါဝတ်ပြီးတိုင်း တစ်ကြိမ်လျှော်တယ်။ တစ်ခါတစ်လေဆိုရင် ကိုယ်ကြိုက်တဲ့အဝတ်ဆို နေ့တိုင်းတောင် ဝတ်တတ်ကြပါတယ်။ဒါမှမဟုတ် ပျင်းတော့ တွေ့တဲ့ဒီအဝတ်ကိုပဲ အလွယ်တကူ ယူဝတ်လိုက်တာမျိုး ရှိပါတယ်။
ဒါပေမယ့် အဝတ်အစားတွေက တစ်မျိုးနဲ့တစ်မျိုး တာရှည်ခံမှုချင်း မတူညီကြပါဘူး။ တစ်ချို့တွေက လျှော်တာများရင် အရောင်ကျွတ်တာတို့၊ ဟောင်းလွယ်တာတို့ ဖြစ်တတ်ပါတယ်။ ဥပမာ- ဂျင်းဘောင်းဘီဆိုရင် လျှော်ဖန်များရင် နွမ်းပြီး ချောင်ကျလာတာတွေ ဖြစ်တတ်ပါတယ်။ တစ်ချို့အဝတ်တွေကျတော့ ခဏခဏလျှော်ပေးမှ သန့်ရှင်းပြီး ရောဂါပိုးတွေကင်းမှာပါ။ ဒါကြောင့် ဘယ်အဝတ်အစားတွေကို မလျှော်ခင် ဘယ်နှစ်ကြိမ်ပဲ ဝတ်သင့်တယ်ဆိုတာ ခွဲခြားသိထားဖို့လိုပါတယ်။
ဒါဆို ဘယ်လိုအဝတ်အစားတွေကို မလျှော်ခင် ဘယ်နှစ်ကြိမ်ပဲ ဝတ်သင့်သလဲ?
၁။ ဂျင်းဘောင်းဘီ/အင်္ကျီ = ၅ ကြိမ်
၂။ အတွင်းခံ Bra = ၃ ကြိမ် မှ ၄ကြိမ် (တစ်ထည်ကို တစ်ရက် ဝတ်ပြီးရင် နောက်တစ်ရက်ကို နောက်တစ်ထည်ဝတ်ပါ)
၃။ အတွင်းခံ ဘောင်းဘီ = ၁ ကြိမ်
၄။ ခြေအိတ် = ၁ ကြိမ် (ဝတ်ပြီးတိုင်းလျှော်သင့်ပါတယ်)
၅။ Stocking (အသားကပ်ဘောင်းဘီ) = ၁ ကြိမ်
၆။ T shirt = ၂ ကြိမ် (ဖြစ်နိုင်လျှင် ၁ ကြိမ်သာ ဝတ်သင့်ပါတယ်။ သင့်အသားရေနဲ့ နီးနီးကပ်ကပ်ထိတွေ့ပြီး ချွေးစုပ်ယူမှုအများဆုံးမို့ပါ။)
၇။ ဂါဝန် = ၃ ကြိမ်
၈။ ညအိပ်ဝတ် ဝတ်စုံ = ၃ ကြိမ် မှ ၄ ကြိမ်
၉။ အားကစား ဝတ်စုံ = ၁ ကြိမ်
၁၀။ ရေကူး ဝတ်စုံ = ၁ ကြိမ်
၁၁။ Jacket နဲ့ Blazer coat = ၅ ကြိမ် မှ ၆ ကြိမ်
၁၂။ Leather Jacket = လျှော်ရင် ပျက်စီးလွယ်တာမို့ မလျှော်ရအောင်ကို ဂရုတစိုက် ဝတ်သင့်ပါတယ်။
၁၃။ ရိုးရိုး အင်္ကျီထူ = ၂ လကို တစ်ကြိမ်
၁၄။ ရိုးရိုး ဘောင်းဘီ၊ စကပ် = ၃ ကြိမ်မှ ၄ ကြိမ်။
၁၅။ Suit = ၄ ကြိမ်
၁၆။ အိပ်ရာခင်း = ၂ ပတ် တစ်ကြိမ်။
၁၇။ ရေချိုးသဘတ် towel = မသုံးခင်နဲ့သုံးပြီး အချိန်ကို သေချာလှန်းပါ။ ခြောက်မှ သုံးပါ။
၁၈။ ပိုးသား အင်္ကျီ = ၅ ကြိမ် (ဖြစ်နိုင်လျှင် အခြောက်လျှော်ပါ)
တစ်ချို့အဝတ်အစားတွေရဲ့အတွင်းမှာ အဝတ်ရဲ့အမျိုးအစားနဲ့ လျှော်ပုံလျှော်နည်း စသည့် information တွေ ပါပါတယ်။ အဝတ်တွေ ဝယ်လာပြီးတဲ့အခါ အဲ့ဒါလေးတွေ ပါမပါ စစ်ဖို့မမေ့ပါနဲ့။ အပေါ်မှာ ပြောပြသွားတာတွေက တစ်ချို့ကိစ္စများ- ဥပမာ- ချွေးအရမ်းထွက်ထားလို့၊ ပေနေလို့၊ အစွန်းအထင်းတွေအတွက် မဟုတ်ပါ။ ထိုအခြေအနေမျိုးမှာတော့ လျှော်ကို လျှော်ရမှာပါ။ ပုံမှန်အခြေအနေမှာဆိုရင်တော့ ဖော်ပြပါစာရင်းလေးအတိုင်း လိုက်နာကျင့်သုံးမှသာ အဝတ်တွေလည်း မြန်မြန်မဟောင်းတော့သလို သန့်ရှင်းနေမှာ ဖြစ်ပါတယ်။
Source – Follow Her
