သင့်ရဲ့ ရှပ်အင်္ကျီဟာ သင့်ရဲ့ ကိုယ်ရည်ကိုယ်သွေးကို ဖော်ပြနေပြီး တခြားသူတွေက သင့်ရဲ့ ရှပ်အင်္ကျီရွေးချယ်မှုအပေါ် မူတည်ပြီး သင့်ကို ကောက်ချက် ချကြပါလိမ့်မယ်။
အရေးကြီးတာက ရှပ် တစ်ထည်ကို မရွေးခင် သင့် ဆိုဒ်ကို သင် သ်ိဖို့ပါ။ လူတွေ အမှားအများဆုံး အချက်ကတော့ မတန်တဲ့ ရှပ်ကြီးကို ဝတ်မိတတ်ကြတာပါပဲ။ သင့်ရှပ်က သင့်ဘောင်းဘီခါးပါတ်ထက် တိုနေရင်တော့ မဝတ်ပါနဲ့တော့။ ရှပ်တွေက ဈေးကြီးပါတယ်။ ဒါကြောင့် ချွေတာရာရောက်အောင် မဝယ်ခင် ကိုယ်တိုင်း အရင်ယူပါ။
အကွက် ဒီဇိုင်းတွေဟာ ပေါ့ပေါ့ပါးပါးနွေရာသီဝတ်ဖို့ အဆင်ပြေပြီး ဗြောင်တွေကတော့ အလုပ်ခွင်မှာ ဝတ်နိုင်ပြီး ပိုပြီး လူကြီးလူကောင်း ဆန်စေပါတယ်။
လီနင် ရှပ်အင်္ကျီတွေဟာ ဝတ်ရတာ သက်တောင့်သက်သာရှိလို့ လူကြိုက်များပါတယ်။ Satin တို့ ပိုးသားတို့လို အရမ်းဂရုစိုက်ထိန်းသိမ်းစရာ မလိုပါဘူး။ လီနင်အသားဟာ စက်လျှော်၊ လက်လျှော်၊ အခြောက်လျှော် အကုန် အဆင်ပြေပါတယ်။ နွေရာသီမှာဝတ်ရင် ချွေးစုပ်တာကြောင့် အရမ်းအဆင်ပြေပါတယ်။ လေဝင်လေထွက်လဲ ကောင်းစေပါတယ်။
ရှပ်အင်္ကျီမှာ လက်တိုနဲ့ လက်ရှည် အဓိက ဒီဇိုင်း ၂ မျိုး ရှိပါတယ်။ လက်တိုတွေက ပေါ့ပေါ့ပါးပါးရှိပြီး လက်ရှည်တွေကတော့ လူကြီးလူကောင်းဆန်ပြီး ဂုဏ်သရေရှိတဲ့ ပုံစံ ပေါက်စေပါတယ်။ အရင်က ဆင်စွယ်ရောင်၊ ကြက်သွေးရောင်၊ အညိုရောင်၊ မီးခိုးရောင်နဲ့ အဖြူရောင်တွေ လာလေ့ ရှိပေမယ့် အခုကျတော့ ယောက်ျားတိုင်းကြိုက်တဲ့ အပြာနုရောင်က စပြီး ဆွဲဆောင်မှုအတွက် စိတ်ချတဲ့ ယောက်ျားတွေအတွက် ပန်းရောင်အထိ ရှိနေပါပြီ။
ရှပ် ဝယ်တာမှာ နည်းနည်း ဈေးပိုပေးဖို့ မနှမျောပါနဲ့။ ဈေးအကြီးဆုံး ရှပ်ကို ဝယ်ခိုင်းတာမဟုတ်ပေမယ့်ဘရှပ်တွေဟာ ဝယ်ရတန်တဲ့ ပစ္စည်းတွေပါ။ ဈေးပိုများတဲ့ ရှပ်တွေက အသားပိုကောင်းလို့ ပိုပြီး ကြာကြာခံပါတယ်။ ဥရောပ တံဆိပ်တွေဟာ စက်ချုပ်မဟုတ်ပဲ လက်ချုပ် များလို့ ပိုပြီးအရည်အသွေးကောင်းပြီး ကြာရှည်ခံပါတယ်။
Source:Gentleman
