ဗီယက်နမ်နှင့် မြန်မာ အဝတ်အထည်များ ဂျပန်သို့ တင်ပို့မှု ၂၀၂၃ ခုနှစ် ပထမ ၄ လတွင် မြင့်တက်
TO GET INSTANT UPDATE
Join Telegram Channel
https://t.me/Guid4U
၂၀၂၃ ခုနှစ် ပထမလေးလတာအတွင်း တရုတ်၊ ဗီယက်နမ်၊ ဘင်္ဂလားဒေ့ရှ်၊ မြန်မာနှင့် ကမ္ဘောဒီးယားနိုင်ငံတို့သည် ဂျပန်နိုင်ငံ၏ အဝတ်အထည်တင်သွင်းမှု ထိပ်တန်းငါးနိုင်ငံဖြစ်ခဲ့သည်ဟု Fibre2Fashion က အချက်အလက် ထုတ်ပြန်ပါသည်။
အဝတ်အထည်သွင်းကုန် စုစုပေါင်းတန်ဖိုး အမေရိကန်ဒေါ်လာ ၇ ဒသမ ၈၈၃ ဘီလီယံ၏ ၈၃ ဒသမ ၈၇ ရာခိုင်နှုန်းကို ၎င်း ၅ နိုင်ငံထံမှ တင်သွင်းခဲ့သည်။
တရုတ်နှင့် ဘင်္ဂလားဒေ့ရှ် နိုင်ငံတို့မှ တင်သွင်းမှု လျော့ကျခဲ့သည်။ ဗီယက်နမ်နှင့် မြန်မာတို့မှ တင်သွင်းမှု မြင့်တက်ခဲ့သည်။
.
တရုတ်နိုင်ငံ
တရုတ်နိုင်ငံမှ အဝတ်အထည်သွင်းကုန်တန်ဖိုးမှာ အမေရိကန်ဒေါ်လာ ၄.၀၅၆ ဘီလီယံ ရှိသည်။ ၂၀၂၃ ခုနှစ် ဇန်နဝါရီလမှ ဧပြီလအထိ စုစုပေါင်းအဝတ်အထည်သွင်းကုန်တန်ဖိုး၏ ၅၁.၄၅ ရာခိုင်နှုန်း ဖြစ်ပါသည်။
၂၀၂၂ ခုနှစ် အလားတူကာလတွင် ကန်ဒေါ်လာ ၄.၁၇၈ ဘီလီယံ ရှိခဲ့ပါသည်။
တရုတ်နိုင်ငံသည် အများဆုံး ပေးသွင်းသူအဖြစ် ဆက်လက်ရပ်တည်နေပါသည်။
.
ဘင်္ဂလားဒေ့ရှ်နိုင်ငံ
ဘင်္ဂလားဒေ့ရှ်နိုင်ငံမှ အ၀တ်အထည် တင်သွင်းမှုသည်လည်း ၂ ဒသမ ၂၈ ရာခိုင်နှုန်း ကျဆင်းခဲ့သည်။ ၂၀၂၂ ခုနှစ် ပထမ၄ လတွင် ကန်ဒေါ်လာ ၄၇၁.၀၉၀ သန်း ရှိခဲ့ပြီး ၂၀၂၃ ပထမ၄ လတွင် ကန်ဒေါ်လာ ၄၆၀.၃၆၈ သန်း ရှိပါသည်။
ဘင်္ဂလားဒေ့ရှ်သည် ဝေစု ၅ ဒသမ ၈၄ ရာခိုင်နှုန်း ရရှိခဲ့ပြီး တတိယအများဆုံး ပေးသွင်းသူအဖြစ် ဆက်လက်ရပ်တည်ခဲ့သည်။
.
ဗီယက်နမ်နိုင်ငံ
ဗီယက်နမ်နိုင်ငံသည် ဒုတိယအများဆုံး ပေးသွင်းသူဖြစ်သည်။ ဝေစု ၁၅.၇၇% ရရှိထားသည်။ ဗီယက်နမ်မှ အ၀တ်အထည် တင်သွင်းမှုသည် ၁၅ ဒသမ ၄၆ ရာခိုင်နှုန်း မြင့်တက်ခဲ့သည်။
၂၀၂၂ ခုနှစ် ပထမ၄ လတွင် ကန်ဒေါ်လာ ၁,၀၇၇.၁၇၀ သန်း ရှိခဲ့ပြီး ၂၀၂၃ ပထမ၄ လတွင် ကန်ဒေါ်လာ ၁,၂၄၃.၆၂၉ သန်း ရှိပါသည်
.
မြန်မာနိုင်ငံ
မြန်မာနိုင်ငံမှ အ၀တ်အထည် တင်သွင်းမှုသည် ၂၀၂၁ ခုနှစ် ပထမ၄ လတွင် ကန်ဒေါ်လာ ၂၆၅.၅၂၄ သန်းရှိခဲ့ပြီး ၂၀၂၂ ခုနှစ် ပထမ၄ လတွင် ကန်ဒေါ်လာ ၃၂၆.၈၂၉ သန်း ရှိခဲ့သဖြင့် ၂၃.၀၉% မြင့်တက်ခဲ့သည်။
၂၀၂၃ ပထမ၄ လတွင် ကန်ဒေါ်လာ ၄၄၈.၇၉၄ သန်း ရှိခဲ့ပြီး ၂၀၂၂ ခုနှစ်ထက် ၃၇.၃၂% ကြီးထွားခဲ့ပါသည်။ ဝေစုမှာ ၅.၆၉% ဖြစ်ပါသည်။
မြန်မာသည် စတုတ္ထအများဆုံး ပေးသွင်းသူဖြစ်ပါသည်။
.
ကမ္ဘောဒီးယားနိုင်ငံ
ကမ္ဘောဒီးယာနိုင်ငံသည် ယခုနှစ် ပထမလေးလအတွင်း ဂျပန်သို့ အဝတ်အထည်များ ကန်ဒေါ်လာ ၄၀၃.၉၉၈ သန်းဖိုး တင်ပို့ခဲ့သည်။ ဝေစုမှာ ၅.၁၂% ဖြစ်ပါသည်။ ကမ္ဘောဒီးယားသည် ပဉ္စမအများဆုံး ပေးသွင်းသူဖြစ်ပါသည်။ ၂၀၂၂ ပထမ ၄ လတွင် ကန်ဒေါ်လာ ၃၉၈.၀၂၁ သန်းဖိုး တင်ပို့ခဲ့ပါသည်။ ယခုနှစ်တွင် ၁.၅% မြင့်တက်ပါသည်။
Source Fibre2Fashion
TO GET INSTANT UPDATE
Join Telegram Channel
https://t.me/Guid4U
