အပ်ချုပ်စက်တွေနဲ့ ဓားစက်တွေဟာ ဒီကနေ့ အ၀တ်အစား ထုတ်လုပ်မှုမှာ မရှိမဖြစ် လိုအပ်တဲ့အရာတွေ ဖြစ်ပါတယ်။
အိမ်သုံး အပ်ချုပ်စက်နဲ့ ဓားစက်တွေဟာ နမူနာ ဖက်ရှင်ထည် ထုတ်လုပ်ဖို့အတွက်တော့ အဆင်ပြေပါတယ်။ ဒါပေမဲ့ အကြီးအကျယ် အမြောက်အမြား ချုပ်လုပ်ပြီး ထုတ်လုပ်ဖို့ဆိုရင်တော့ လုပ်ငန်းသုံး အပ်ချုပ်စက်တွေနဲ့ ဓားစက်တွေကို သုံးကြရတယ်။ လုပ်ငန်းသုံး စက်တွေက ထိရောက်မှု ပိုကောင်းတယ်။ ချုပ်ပုံချုပ်နည်း အမျိုးမျိုးကို ချုပ်ဖို့ အဆင်ပြေတယ်။ စက်နဲ့အတူ တွဲဖက်သုံးစွဲစရာတွေ တစ်ပါတည်း ပါလာတယ်။ ချုပ်သားအဆန်းမျိုးဖြင့် ချုပ်ဖို့ ချုပ်အပ် လိုတယ်ဆိုရင်လည်း သီးခြားဝယ်ယူလို့ ရတယ်။ အထည်သားနှစ်မျိုးကို ပူးကပ်အောင် ထပ်ပြီး အနားသတ်တာ(bindind foot) ချုပ်ဖို့အတွက် လိုအပ်တဲ့ ကိရိယာအစိတ်အပိုင်းတွေ သီးခြားဝယ်ယူပြီး တွဲဖက် သုံးစွဲလို့ ရတယ်။
ချည်ကျစ်ပုံ S နဲ့ Z ဆိုပြီး ရှိတာမှာ အပ်ချုပ်စက်တွေအတွက် Z ကျစ်ချည်ကို သုံးရမှာ ဖြစ်ပါတယ်။ S ကျစ်ချည်ကို သုံးရင် ချုပ်ရိုးဟာ တင်းရမယ့်အစား လျော့တိလျော့ရဲ ဖြစ်နေလိမ့်မယ်။ S ကျစ်ချည်ကို တချို့ လက်ချုပ်နဲ့ ချုပ်တဲ့အခါမှာ သုံးကြပါတယ်။
အိမ်သုံး အပ်ချုပ်စက်ကို အကြမ်းအားဖြင့် နှစ်မျိုးခွဲလို့ရတယ်။ တစ်မျိုးက ရှေးပုံစံ၊ လျှပ်စစ်ဓာတ်အား မလိုဘူး။ ခြေထောက်နဲ့ နင်းပြားကို အလိုက်သင့်နင်းပေးပြီး အပ်ချုပ်စက် ၀င်ရိုးကို လှည့်ပေးပြီး ချုပ်သွားတယ်။ နောက်တစ်မျိုးက လျှပ်စစ်ဓာတ်အားသုံးတဲ့ အပ်ချုပ်စက်တွေ။
အိမ်သုံးအပ်ချုပ်စက် ချုပ်တဲ့ အမြန်နှုန်းက လုပ်ငန်းသုံးစက်ကို မမီဘူး။ ဒီတော့ ထိန်းကျောင်းဖို့ လွယ်ကူတယ်။ အိမ်သုံးအပ်ချုပ်စက် အများစုဟာ အပေါ်ချည် အောက်ချည် နှစ်ခု အံကိုက် လျိုဝင်တွဲချိတ်ပြီး ချုပ်သွားတဲ့ ချုပ်ရိုး lock stitch ဖြင့် ချုပ်ပေးကြတယ်။
ချုပ်ချက် အလျား အတိုအရှည် ကစားခိုင်းလို့ ရတယ်။ အဖြောင့်ချုပ်မလား၊ ဇီဇက် ချုပ်မလား ချုပ်ခိုင်းလို့ ရတယ်။ တချို့ အိမ်သုံးအပ်ချုပ်စက်တွေက ပန်းအလှထိုးတာကိုပါ လုပ်ခိုင်းလို့ ရတယ်။ ကြယ်သီးပေါက် ချုပ်ခိုင်းလို့ရတယ်။
လုပ်ငန်းသုံး အပ်ချုပ်စက်ကို Flatbed Machine လို့လည်း ခေါ်ဝေါ်ကြတယ်။ ချုပ်တဲ့အမြန်နှုန်းက အိမ်သုံးအပ်ချုပ်စက်ထက် ပိုမြန်တာမို့ အလုပ်ပြီးစီးမှု ပိုမြန်ဆန်တယ်။ ချုပ်နေချိန်မှာ အထည်သားကို ဖိပေးထားတဲ့ ခြေထောက်အတံ sewing foot အတင်အချကို လုပ်ဖို့အတွက် ခြေနင်းခလုတ် ပါတယ်။ ဒီတော့ လက်နှစ်ဖက်စလုံး အားနေစေတယ်။ sewing foot အတင်အချကို ခြေချောင်းနဲ့ ခလုတ်နှိပ်ပြီး လုပ်ပေးရင်း ချုပ်လက်စ အထည်သားကို လက်နှစ်ဖက်နဲ့ ကျကျနန တောက်လျှောက် ကိုင်တွယ်ပြီး ချုပ်လို့ ရနေစေတာမို့ အချိန်ကုန် သက်သာတယ်။ အလုပ်သွက်တယ်။ အိမ်သုံးအပ်ချုပ်စက်တွေမှာတော့ လက်နဲ့ပဲ sewing foot ကို အဖိအကြွ လုပ်ပေးရတယ်။
အိမ်သုံးအပ်ချုပ်စက်မှာ အပေါ်ချည်ကို အပ်ချုပ်လုံးကနေ တိုက်ရိုက်ယူသုံးပေမဲ့ အောက်ချည်ကိုတော့ စက်မှာ ပါတဲ့ ရစ်လုံးမှာ အရင်ရစ် ချည်ဖြည့်ထည့်ပြီးမှ အဲဒီ ရစ်လုံးကနေ ယူသုံးတယ်။ အောက်ချည်ကုန်သွားရင် ချည်ပြန်ရစ်ခိုင်းပြီး ပြန်ဖြည့်ရတယ်။ လုပ်ငန်းသုံး အပ်ချုပ်စက်တွေမှာတော့ ချုပ်နေတုန်းမှာ အောက်ချည်ရစ်လုံးကို ချည်ဖြည့်ထည့်ပေးနေတဲ့ bobbin system ပါတာကြောင့် ချည်ပြန်ဖြည့်ဖို့ ချုပ်လက်စ ရပ်ထားဖို့ မလိုဘူး။ အချိန်ကုန်သက်သာစေတယ်။ ထုတ်လုပ်မှု အားကောင်းစေတယ်။
ဓားစက်ကို Overlocker လို့ ခေါ်တဲ့အပြင် Serger လို့လည်း ခေါ်ဝေါ်ကြတယ်။ အပြီးသတ် အစနှစ်ကို အပေါ်က ချုပ်ရိုးနဲ့ အုပ်ပြီး ချုပ်ပေးတာမို့ အပ်ချုပ်စက် တစ်မျိုးပါပဲ။ ဓားစက်လို့ အမည်တွင်တာက သူ့မှာ ဖြတ်တောက်ဖို့ ဓားသွားနှစ်လက် ပါလို့ ဖြစ်ပါတယ်။ အဲဒီ ဓားနှစ်လက် ကက်ကြေးရဲ့ အသွား နှစ်ခုလိုပဲ ဖြတ်တောက်ပေးတယ်။ အထည်သား အနားသတ်ကို့ ဖြတ်ညှိပေးတယ်.။ ချည် အစအန ထွက်နေတာကိုလည်း ဖြတ်တောက်ရှင်းလင်းပေးတယ်။ ချည် ၃ခု ၊ ၄ ခု၊ ၅ ခု ဆိုပြီး ရှိတယ်။ ဖက်ရှင်ဒီဇိုင်းနဲ့ အထည်သားအမျိုးအစားအပေါ် မူတည်ပြီး သုံးစွဲမယ့် ချည်အရေအတွက် အတိုးအလျှော့ ပြုကြတယ်။
အထည်သားရဲ့ အနားစနေရာ ဖွာမထွက်အောင် ဓားစက်လိုက်ပြီး ဓားစက်ချုပ်ရိုးဖြင့် ကာကွယ်တားဆီးထားတယ်။ အဲဒီအတွက် ချည် ၃ ခု သုံးစွဲတဲ့ ဓားစက်ကို သုံးကြတယ်။
ချည် ၄ ခု သုံးစွဲတဲ့ ဓားစက်နဲ့ အထည်သား အနားသတ် ချုပ်သားနှစ်ခုကို တွဲကပ်ပေးတဲ့အပြင် အုပ်ပြီး ချုပ်တာမျိုးကို ချုပ်ကြတယ်။
ကွင်းဆက်ချိတ်ပြီး ချုပ်ပေးခြင်းဖြင့် အနားသတ်မှာ လိပ်ပြီးချုပ်ထားတာမျိုး ရဖို့ကိုတော့ ချည် ၅ ခု ပါတဲ့ ဓားစက်နဲ့ ချုပ်ကြတယ်။