ပြည်တွင်းရှိ အထည်ချုပ်စက်ရုံများ၌ ပြည်ပနိုင်ငံများ၏ အော်ဒါအသစ်များကို လက်ခံ ဆောင်ရွက်လျက် ရှိကြောင်း မြန်မာနိုင်ငံ အထည်ချုပ် လုပ်ငန်းရှင်များအသင်း အထွေထွေအတွင်းရေးမှူး ဒေါ်ခိုင်ခိုင်နွယ်၏ ပြောကြားချက်အရ သိရသည်။
ယခုအခါ မြန်မာနိုင်ငံတွင် ပြည်ပနိုင်ငံ အသီးသီးမှ အထည်ချုပ်အော်ဒါအသစ်များ အဆက်မပြတ် လက်ခံရရှိနေပြီး လက်ရှိတွင် ပိုလန်နိုင်ငံမှ အော်ဒါအသစ်များကို ပြည်တွင်းရှိ အထည်ချုပ်စက်ရုံပေါင်း ၁၀၀ နီးပါး၌ လက်ခံချုပ်ပေးနေရပြီး တခြားပြည်ပနိုင်ငံများမှ နာမည်ရတံဆိပ်များနှင့် တံဆိပ်အသစ်များကိုလည်း ချုပ်ပေးရန် အော်ဒါအသစ်များ ရရှိထားသည်။
Advertisement
“ လက်ရှိမှာ ပိုလန်နိုင်ငံကနေ အထည်ချုပ်အော်ဒါအသစ်တွေ အများကြီး ရထားပါတယ်။ အဲဒီအော်ဒါတွေကို ပြည်တွင်းက အထည်ချုပ်စက်ရုံပေါင်း (၁၀၀) နီးပါးလောက်မှာ ချုပ်ပေးနေရတယ်။ အရင်က အပ်ကြတဲ့ တံဆိပ်တော်တော်များများလည်း ဆက်ချုပ်ပေးနေရတယ်။ တံဆိပ်အသစ်တွေလည်း အော်ဒါရလို့ ချုပ်ပေးနေရပါတယ်။ ” ဟု ဒေါ်ခိုင်ခိုင်နွယ်က ပြောသည်။
မြန်မာနိုင်ငံ အထည်ချုပ်လုပ်ငန်း ကဏ္ဍအနေဖြင့် ပြည်တွင်းအလုပ်အကိုင်ရရှိရေး ဖော်ဆောင်ရာတွင် အဓိကအခန်း ကဏ္ဍ၌ ပါဝင်နေပြီး အလုပ်သမားအများစုမှာ အမျိုးသမီးများ ဖြစ်သည်ဟု ဆိုသည်။
လက်ရှိ ပြည်တွင်း၌ အထည်ချုပ်စက်ရုံပေါင်း (၅၀၀) နီးပါး လုပ်ကိုင် လည်ပတ်နေပြီး ထိုအထည်ချုပ်စက်ရုံများတွင် လုပ်ကိုင်လျက်ရှိသော စုစုပေါင်း အလုပ်သမားဦးရေမှာ ငါးသိန်းဝန်းကျင် ရှိကြောင်း သိရသည်။
အထည်ချုပ်စက်ရုံ လုပ်ငန်းကဏ္ဍအတွင်း ထိရောက်သော ကုန်ထုတ်စွမ်းအားများ အကျိုးရှိစွာဖြစ်ထွန်းလာစေရန် ပထမဆုံးသော Industrial Engineering အွန်လိုင်းသင်တန်းကို အောင်မြင်မှုသင်တန်းကျောင်းမှ ဖွင့်လှစ်သွားမည်ဖြစ်ကြောင်း သိရပါတယ်။
ပြည်တွင်းအထည်ချုပ်စက်ရုံများတွင် PPE (Personal protective equipment) ချုပ်လုပ်၍ ပြည်ပသို့တင်ပို့သည့်စက်ရုံ ၅ ရုံခန့်ရှိလာပြီး ရင်းနှီးမြုပ်နှံလိုသူများရှိသော်လည်း တရုတ်မှ ကမ္ဘာ့ PPE ဈေးကွက် ၇၀ ရာခိုင်နှုန်းကို ရရှိထားသဖြင့် ဈေးကွက်ရရှိရန်ခက်ခဲနေကြောင်း မြန်မာနိုင်ငံအထည်ချုပ်လုပ်ငန်းရှင်များအသင်းမှ သိရပါတယ်။
ရန်ကုန်တိုင်းဒေသကြီးမှာ COVID-19 အတည်ပြုလူနာအရေအတွက် တိုးလာပေမယ့် စက်မှုဇုန်လုပ်သားတွေကို ကျန်းမာရေး နှင့် အားစား ဝန်ကြီးဌာန၏ လမ်းညွှန်ချက်များအတိုင်း အောက်တိုဘာ ၁၂ ရက်မှာ အလုပ်ပြန်လည်လုပ်ကိုင်ရန်ခွင့်ပြုလိုက်ပါတယ်။
တင်းကျပ်စွာ ချမှတ်ထားတဲ့ ကိုဗစ်ဆိုင်ရာ စည်းမျဉ်းတွေနဲ့ ကိုက်ညီမယ်ဆိုရင် အထည်ချုပ်လုပ်ငန်းနဲ့ အသေးစား အလတ်စားလုပ်ငန်းတွေ အောက်တိုဘာလ ၁၂ ရက်နေ့မှာ ပြန်ဖွင့်နိုင်ပြီလို့ မြန်မာနိုင်ငံ အစိုးရက အောက်တိုဘာလ ၁၀ ရက်နေ့ ညနေပိုင်းက ကြေညာခဲ့ပါတယ်။
No. 614, First Floor ( Left )
MaharBandoola Road,
Latha Township, Yangon, Myanmar.
Tel :: 09 448001662
Email :: [email protected]
