What's new

×

Warning

JUser: :_load: Unable to load user with ID: 845

ပြည်တွင်းရှိ အထည်ချုပ်စက်ရုံများ၌ ပြည်ပနိုင်ငံများ၏ အော်ဒါအသစ်များကို လက်ခံ ဆောင်ရွက်လျက် ရှိကြောင်း မြန်မာနိုင်ငံ အထည်ချုပ် လုပ်ငန်းရှင်များအသင်း အထွေထွေအတွင်းရေးမှူး ဒေါ်ခိုင်ခိုင်နွယ်၏ ပြောကြားချက်အရ သိရသည်။ 

 

ယခုအခါ မြန်မာနိုင်ငံတွင် ပြည်ပနိုင်ငံ အသီးသီးမှ အထည်ချုပ်အော်ဒါအသစ်များ  အဆက်မပြတ် လက်ခံရရှိနေပြီး လက်ရှိတွင် ပိုလန်နိုင်ငံမှ အော်ဒါအသစ်များကို ပြည်တွင်းရှိ အထည်ချုပ်စက်ရုံပေါင်း ၁၀၀ နီးပါး၌ လက်ခံချုပ်ပေးနေရပြီး တခြားပြည်ပနိုင်ငံများမှ နာမည်ရတံဆိပ်များနှင့် တံဆိပ်အသစ်များကိုလည်း ချုပ်ပေးရန်  အော်ဒါအသစ်များ ရရှိထားသည်။

 

Advertisement

Click Here > Baho Pipe

 

“ လက်ရှိမှာ ပိုလန်နိုင်ငံကနေ အထည်ချုပ်အော်ဒါအသစ်တွေ အများကြီး ရထားပါတယ်။ အဲဒီအော်ဒါတွေကို ပြည်တွင်းက အထည်ချုပ်စက်ရုံပေါင်း (၁၀၀) နီးပါးလောက်မှာ ချုပ်ပေးနေရတယ်။  အရင်က အပ်ကြတဲ့  တံဆိပ်တော်တော်များများလည်း ဆက်ချုပ်ပေးနေရတယ်။ တံဆိပ်အသစ်တွေလည်း အော်ဒါရလို့  ချုပ်ပေးနေရပါတယ်။ ” ဟု ဒေါ်ခိုင်ခိုင်နွယ်က ပြောသည်။ 

 

မြန်မာနိုင်ငံ အထည်ချုပ်လုပ်ငန်း ကဏ္ဍအနေဖြင့် ပြည်တွင်းအလုပ်အကိုင်ရရှိရေး ဖော်ဆောင်ရာတွင် အဓိကအခန်း ကဏ္ဍ၌ ပါဝင်နေပြီး အလုပ်သမားအများစုမှာ အမျိုးသမီးများ ဖြစ်သည်ဟု ဆိုသည်။ 

 

လက်ရှိ ပြည်တွင်း၌ အထည်ချုပ်စက်ရုံပေါင်း (၅၀၀) နီးပါး လုပ်ကိုင် လည်ပတ်နေပြီး ထိုအထည်ချုပ်စက်ရုံများတွင်  လုပ်ကိုင်လျက်ရှိသော စုစုပေါင်း အလုပ်သမားဦးရေမှာ ငါးသိန်းဝန်းကျင် ရှိကြောင်း သိရသည်။

Published in Industry News

ရန်ကုန်တိုင်းဒေသကြီး၌ ရှစ်လအတွင်း CMP အထည်ချုပ်လုပ်ငန်း အပါအဝင် ရင်းနှီးမြှုပ်နှံမှု (၄၅) ခုကို ခွင့်ပြုခဲ့ကြောင်း ရန်ကုန်တိုင်းဒေသကြီး ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန ( DICA ) ၏ ထုတ်ပြန်ချက်အရ သိရသည်။

 

အဆိုပါ နိုင်ငံသားနှင့် ပြည်ပရင်းနှီးမြှုပ်နှံမှု အသစ် (၄၅) ခုတို့အား ဇန်နဝါရီလမှ သြဂုတ်လအထိ  ခွင့်ပြုထားခြင်း ဖြစ်ပြီး ရင်းနှီးမြှုပ်နှံမှုများတွင်…

  • စက်မှုလုပ်ငန်းများ၊ 
  • ဟိုတယ်ဝန်ဆောင်မှုလုပ်ငန်းများ၊ 
  • CMP စနစ်ဖြင့် အထည်ချုပ်လုပ်ငန်းများ၊ 
  • ဝန်ဆောင်မှုနှင့် ထုတ်လုပ်မှု လုပ်ငန်းများလည်း ပါဝင်သည်။ 

 

လုပ်ငန်းအများစုမှာ CMP အထည်ချုပ်လုပ်ငန်းများဖြစ်ပြီး အလုပ်အကိုင် အခွင့်အလမ်းပေါင်း (၁၈,၀ဝ၀) ကျော်ကို ဖန်တီးပေးနိုင်ခဲ့ကြောင်း သိရသည်။

 

ယင်း CMP စနစ်ဖြင့် အထည်ချုပ်လုပ်ငန်းများတွင် တရုတ်နိုင်ငံမှ ရင်းနှီးမြှုပ်နှံမှု အများဆုံးဖြစ်ပြီး ထိုင်းနိုင်ငံ၊ တောင်ကိုရီးယားနိုင်ငံနှင့် ဂျပန်နိုင်ငံတို့မှလည်း လာရောက် ရင်းနှီးမြှုပ်နှံမှု ရှိသည်ဟု ဆိုသည်။

Published in Industry News

ကုန်သွယ်ရေးစာရင်းများအရ ၂၀၂၃-၂၀၂၄ ဘဏ္ဍာနှစ်တွင် ဇွန်လ (၂၃) ရက်နေ့အထိ CMP ကဏ္ဍတွင် ချုပ်လုပ်ပြီး အဝတ်အထည် တင်ပို့မှုသည် ယခင်နှစ် ကာလတူနှင့် နှိုင်းယှဉ်ပါက အမေရိကန်ဒေါ်လာ (၆၁) သန်းကျော် လျော့နည်းနေကြောင်း သိရသည်။

 

ယခုနှစ် ဇွန်လအထိ အဝတ်အထည်တင်ပို့မှုသည် အမေရိကန်ဒေါ်လာ (၈၆၅.၁၉၅) သန်းသာ ရှိသေးသဖြင့် ကျန်ရှိသည့် ကာလတွင် တိုးမြှင့် တင်ပို့နိုင်ရေးအတွက် လုပ်ငန်းရှင်များနှင့် အသင်းအဖွဲ့များမှ ပူးပေါင်း ဆောင်ရွက်ပြီး ကြိုးစားပေးစေလိုကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေးဦးစီးဌာန ညွှန်ကြားရေးမှူးချုပ် ဦးမြင့်သူရက ပြောသည်။

 

ဝန်ကြီးဌာနအနေဖြင့် ပို့ကုန်များ တိုးမြှင့်တင်ပို့နိုင်ရေးအတွက် သက်ဆိုင်ရာဦးစီးဌာန၊ တစ်ဦးချင်းစီအလိုက် ကဏ္ဍအလိုက် တာဝန်ခွဲဝေပေးကာ တစိုက်မတ်မတ် ဆောင်ရွက်လျက် ရှိပြီး CMP ကဏ္ဍတွင် ပို့ကုန်တိုးမြှင့်ရေး ညှိနှိုင်းအစည်းအဝေးများလည်း ပြုလုပ်ကာ CMP ကဏ္ဍတိုးတက်ရေးအတွက် ဆောင်ရွက်နေသည်ဟု ဆိုသည်။

 

Cutting, Making, Processing ဆိုသည့် CMP လုပ်ငန်းသည် ပြည်တွင်းအလုပ်အကိုင်များစွာကို ဖန်တီးပေးနိုင်သည့်အတွက် CMP ကဏ္ဍတိုးတက်လာသည်နှင့်အမျှ နိုင်ငံတော်၏ GDP ကိုလည်း တိုးတက်နိုင်စေမည် ဖြစ်ကြောင်း ညွှန်ကြားရေးမှူးချုပ်က ပြောကြားခဲ့သည်။ 

 

မြန်မာနိုင်ငံအထည်ချုပ်လုပ်ငန်းရှင်များ အသင်း၏ အထွေထွေအတွင်းရေးမှူး ဒေါ်ခိုင်ခိုင်နွယ်က အသင်းအနေဖြင့် ၂၀၁၅ မှ ၂၀၂၅ ခုနှစ်အတွက် မဟာဗျူဟာ (၁၀) နှစ် စီမံကိန်းကို ချမှတ်ထားပြီး စက်ရုံအရေအတွက်၊ ပို့ကုန်တန်ဖိုး၊ အလုပ်ခန့်ထားရေး စသည့် Target များ ထားရှိ၍ ဆောင်ရွက်ခဲ့ရာ ကိုဗစ်မတိုင်ခင်ကာလအထိ သတ်မှတ် Target ကို ပြည့်မီခဲ့ကြောင်း ပြောသည်။

 

၂၀၂၂ ခုနှစ်သည် ပို့ကုန်အမြင့်ဆုံး တင်ပို့နိုင်သည့်နှစ် ဖြစ်ပြီး အထည်ချုပ်ကဏ္ဍ ပို့ကုန်ဖွံ့ဖြိုးတိုးတက်ရေးအတွက် ၎င်းတို့ အသင်းအနေဖြင့် လိုအပ်သည့်သင်တန်းများ ဖွင့်လှစ်ပို့ချပေးခြင်း၊ တာဝန်ယူမှုရှိသည့် စီးပွားရေးလုပ်ငန်းများ ဖြစ်ရေးအတွက် ဥပဒေများကို ရှင်းလင်း သင်ကြားပေးခြင်း၊ လုပ်ငန်းခွင် ဆက်ဆံရေး တိုးမြင့်စေရေး စသည်တို့ကိုလည်း ဆောင်ရွက်လျက် ရှိကြောင်း သိရသည်။ 

 

Advertisement

Click Here > Asia Pacific Inspection Agency

 

 

အထည်ချုပ်သင်တန်းကဏ္ဍတွင်လည်း သိပ္ပံနှင့် နည်းပညာဝန်ကြီးဌာန TVET ဌာနနှင့် ပူးပေါင်း၍ Diploma in Fashion Technology ကို ပို့ချနိုင်ရန် စတင် ဆွေးနွေးနေပြီ ဖြစ်ကြောင်း သိရှိရသည်။ ၂၀၁၇ ခုနှစ်တွင် ပြင်သစ်၌ ကျင်းပသည့် နိုင်ငံတကာ အဝတ်အထည်ပြပွဲ (Messe Frankfurt, Paris) တွင် အသင်းအနေဖြင့် မြန်မာနိုင်ငံ၏ အထည်ချုပ်ကဏ္ဍ (Made in Myanmar) ကို စတင် မိတ်ဆက်နိုင်ခဲ့သည်ဟု ဆိုသည်။ 

 

ပို့ကုန်တိုးမြှင့်တင်ပို့နိုင်ရေးအတွက် ချုပ်ထည် Order အများအပြားရရှိရန် လိုအပ်ပြီး အလုပ်သမားများနှင့်လည်း ယုံကြည်မှု တည်ဆောက်ကာ လုပ်ငန်းခွင်ဆက်ဆံရေး ပြေလည် ကောင်းမွန်ရန် လိုအပ်ကြောင်း ဒေါ်ခိုင်ခိုင်နွယ်က ပြောကြားခဲ့သည်။

 

ပြည်တွင်းရှိ စက်မှုထုတ်ကုန်၊ အထည်အလိပ်၊ အဝတ်အထည်ပစ္စည်းများ ပို့ကုန်တိုးမြှင့်နိုင်ရေးအတွက် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေးဦးစီးဌာန၊ မြန်မာနိုင်ငံ စက်မှုကုန်ထုတ်လုပ်သူများအသင်းနှင့် မြန်မာအထည်ချုပ်လုပ်ငန်းရှင်များ အသင်းတို့မှ တာဝန်ရှိသူများ  ၂၀၂၃ ခုနှစ်၊ ဇူလိုင်လ (၈) ရက်နေ့တွင် တွေ့ဆုံ ဆွေးနွေးခဲ့ကြခြင်း ဖြစ်သည်။

 

အစည်းအဝေးတွင် မြန်မာနိုင်ငံ စက်မှုကုန်ထုတ်လုပ်သူများအသင်းနှင့် မြန်မာနိုင်ငံ အထည်ချုပ်လုပ်ငန်းရှင်များ အသင်းတို့မှ တက်ရောက်လာသည့် ဒုတိယဥက္ကဋ္ဌများ၊ အထွေထွေ အတွင်းရေးမှူးများ၊ လုပ်ငန်းရှင် ကိုယ်စားလှယ်များမှ…

  • ပို့ကုန်တင်ပို့နိုင်ရေးအတွက် ကုန်ကြမ်းများ၊ ကုန်ပစ္စည်းများ တင်သွင်းတင်ပို့ရာတွင် ကြုံတွေ့ရသည့် အခြေအနေများ၊ အခက်အခဲများ၊ 
  • FOP စနစ်ဖြင့် ထုတ်လုပ်တင်ပို့နိုင်ရေးအတွက် လိုအပ်သည့် ကုန်ကြမ်းအခြေအနေနှင့် အခက်အခဲများ၊ 
  • အထည်ချုပ်ကဏ္ဍရှိ အလုပ်သမားများ ညဆိုင်းအချိန်ပိုဆင်းနိုင်ရေး ခွင့်ပြုပေးနိုင်ရေး၊ 
  • ပြည်တွင်းရက်ကန်းလုပ်ငန်းများ ထွန်းကားရေး၊ 
  • ဒေသရိုးရာအထည်အလိပ်များ အဆင့်မီစွာ ထုတ်လုပ်တင်ပို့နိုင်ရေး ကူညီ ဆောင်ရွက်ပေးနိုင်မည့် နည်းလမ်းများကို ဝိုင်းဝန်းဆွေးနွေးခဲ့ကြသည်။ 

 

အဆိုပါ အစည်းအဝေးသို့ အသင်းချုပ်ဖက်မှ အထွေထွေအတွင်းရေးမှူးချုပ် ဒေါ်ခိုင်ခိုင်နွယ်၊ ဗဟိုအလုပ်အမှုဆောင်၊ အလုပ်အမှုဆောင်များ၊ မြန်မာနိုင်ငံ စက်မှုကုန်ထုတ်လုပ်သူများအသင်း၊ မြန်မာနိုင်ငံအထည်ချုပ် လုပ်ငန်းရှင်များအသင်းတို့မှ ဒုတိယဥက္ကဋ္ဌများ၊ အထွေထွေအတွင်းရေးမှူးများ၊ အသင်းဝင်ကုမ္ပဏီများ၊ လုပ်ငန်းရှင်ကိုယ်စားလှယ်များ တက်ရောက်ခဲ့ကြသည်။

Published in Industry News

ဧရာဝတီတိုင်းဒေသကြီး ရင်းနှီးမြှုပ်နှံမှုကော်မတီ ၉/၂၀၂၀ ကြိမ်မြောက် အစည်းအဝေးတွင် CMP စနစ်ဖြင့် အဝတ်အထည် အမျိုးမျိုး ချုပ်လုပ်ခြင်း လုပ်ငန်း လုပ်ကိုင်ရန် ရာခိုင်နှုန်းပြည့် နိုင်ငံခြား ရင်းနှီးမြှုပ်နှံမှု ပြုမည် ဖြစ်သော Dong Long (Myaungmya) Garment Co., Ltd. ကို အတည်ပြုပေးခဲ့ပါသည်။

Published in Local Industry

၁၁.၁၂.၂၀၂၀ ရက်နေ့တွင် Myanmar Garment Manufactures Association (MGMA) - မြန်မာနိုင်ငံအထည်ချုပ်လုပ်ငန်းရှင်များအသင်း အထွေထွေအတွင်းရေးမှူးဒေါ်ခိုင်ခိုင်နွယ်မှ Media သတင်းဌာနများသို့ COVID-19 ၏ အထည်ချုပ်လုပ်ငန်းများအပေါ်သက်ရောက်မှု Position Paper တစ်ခုရေးသားထားချက်အပေါ် သတင်းစာရှင်းလင်းပွဲ Press Conference ပြုလုပ်ခဲ့ရာ ဆွေးနွေးတင်ပြမှု ကောက်နှုတ်ချက်မှာအောက်ပါအတိုင်းဖြစ်ပါသည်။

Published in Local Industry

ဘင်္ဂလားဒေ့ရှ်နိုင်ငံရှိ အထည်အလိပ်စက်ရုံကုမ္ပဏီ Maksons Group မှ Mirsarai ရှိ Bangabandhu Sheikh Mujib Shilpa Nagar (BSMSN) တွင် စက်မှုဇုန်သုံးခုကို ဒေါ်လာ ၁၁၁ သန်းဖြင့် စုစုပေါင်းရင်းနှီးမြှုပ်နှံမှာ ဖြစ်ပါတယ်။

Published in Export & Import

မြန်မာနိုင်ငံရင်းနှီးမြှုပ်နှံမှုကော်မရှင်၏ (၁၅/၂၀၂၀) ကြိမ်မြောက် အစည်းအဝေးမှ အလုပ်အကိုင် အခွင့်အလမ်း ၃,၀၀၄ ခု ဖန်တီးပေးနိုင်မည့် အထည်ချုပ်လုပ်ငန်းတစ်ခုကို အတည်ပြုပေးခဲ့ပါသည်။

Published in Local Industry

မြန်မာနိုင်ငံ အထည်ချုပ်လုပ်ငန်းရှင်များ အသင်း (MYANMAR GARMENT MANUFACTURERS ASSOCIATION) မှ Coronavirus Disease 2019 (COVID-19) ကူးစက်ကပ်ရောဂါ ဒုတိယလှိုင်း ဖြစ်ပွားမှု သတိပေးချက်များရှိလာသဖြင့် အသင်းဝင်စက်ရုံများသို့ အသိပေး နှိုးဆော်ခြင်း။

Published in Local Industry

Covid-19 ပထမလှိုင်းမှာ ကတည်းက စီးပွားရေးလုပ်ငန်းတွေ အထိနာခဲ့တဲ့ ဗီယက်နမ်နိုင်ငံက ယခု ဒုတိယလှိုင်းမှာ အထည်အလိပ်လုပ်ငန်းနှင့် ဖိနပ်လုပ်ငန်းတွေရဲ့ အကျိုးသက်ရောက်မှုက ဆက်လက် ဆိုးဝါးနေဆဲဖြစ်ပါတယ်။

Published in Export & Import

အီးယူနှင့်ယူအက်စ်တို့၏ ဝယ်လိုအားပြိုလဲခြင်းကြောင့် ပါကစ္စတန်သာမက ပြိုင်ဘက်များ ဖြစ်ကြသော ဘင်္ဂလားဒေ့ရ်ှ၊ အိန္ဒိယ၊ တရုတ်၊ ဗီယက်နမ်၊ မြန်မာနှင့် အခြားနိုင်ငံများတွင် စက်ရုံပိတ်သိမ်းမှုများ ဖြစ်ပွားလျက်ရှိသည်။

Published in Industry News
Page 1 of 2

Search Articles