နေ့ နှင့် ည တစ်လှည့်စီ ပြောင်းလဲနေသကဲ့သို့ ဖက်ရှင်ဆိုသည်လည်း အမြဲပြောင်းလဲ လျက်ရှိသည်။ အိုင်ဒီယာ အသစ်အသစ်များဖြင့် အမြဲ ခေတ်ရှေ့ပြေးနေနိုင်သကဲ့သို့ ခေတ်နောက်ပြန်လှည့်ကာ အဟောင်းတစ်ဖန် အသစ်ထွင်ကာ မူမပြတ် ပြန်လည် ဆန်းသစ်လေ့ ရှိသည်ကိုလည်း တွေ့ရပါသည်။ သို့သော် ဖက်ရှင်အမြင်အရ အရောင်ရွေးချယ်ပုံ၊ ပက်တမ် ပုံဖော်မှု၊ အပြင်အဆင်ပေါင်းစပ်မှုတို့မှာ မည်မျှပင် ခေတ်ရှေ့ ပြေးနေပါစေ၊ ဘယ်သောအခါမှ မရိုးသွားဘဲ အမြဲပင်တိုင်စံလေ့ရှိသည်မှာ ရာသီအလိုက် အရောင်များဖြင့် တွဲဖက်ဝတ်ဆင်ခြင်းပင် ဖြစ်ပါသည်။
ဘောင်းဘီရှည်တွေရဲ့ လွှမ်းမိုးမှုကြောင့် အလွယ်တကူ ကောက်စွပ်လို့ ရတဲ့ စကတ်တွေရဲ့တန်ဖိုးကို ကျွန်မတို့ အားလုံးမေ့မေ့လျော့လျော့ ဖြစ်နေတတ်ကြပါတယ်။ မိန်းကလေးတိုင်းနီးပါးရဲ့ ပါးစပ်ဖျားမှာ 'မိန်းမဆန်တာ မကြိုက်ဘူး' ဆိုတဲ့ စကားတစ်ခွန်းကြောင့် သင့် စကတ်လှလှလေးတွေကို ချောင်များ ထိုးထားမိနေပြီလား။