What's new

×

Warning

JUser: :_load: Unable to load user with ID: 845


မိန်းကလေးတိုင်း သိထားသင့်တဲ့ Street Style လမ်းညွှန်များ

မိန်းကလေးတိုင်း သိထားသင့်တဲ့ Street Style လမ်းညွှန်များ Google

          Street Style နဲ့ ပတ်သက်လို့ မိန်းကလေးတိုင်း သင်ယူလေ့လာထားသင့်တဲ့ အရေးကြီးအချက်တွေ ရှိပါတယ်။ ဖက်ရှင်ဟာ ဖြည်းဖြည်းချင်း ဆင့်ကဲပြောင်းလဲနေပေမယ့် အခြေခံ စည်းမျဉ်းစည်းကမ်းများကို သိရှိထားခြင်းက စတိုင်လ်ကျ စွာ ၀တ်ဆင်ဖို့ အထောက်အကူဖြစ်စေနိုင်မှာပါ။

          ဖက်ရှင်ကျကျ ၀တ်စားတတ်ဖို့ ဗီရိုတွေအပြည့် အ၀တ်တွေ ရှိနေစရာ မလိုအပ်ပါဘူး။ ရှိတဲ့ဟာနဲ့ လိုက်ဖက်စွာ တွဲစပ်ပြီး ဖက်ရှင်ကျအောင် ၀တ်ဆင်နိုင်ပါတယ်။ ပွဲတွေ၊ ရုံးတွေအတွက် မဟုတ်ဘဲ သူငယ်ချင်းတွေနဲ့ဖြစ်ဖြစ် ပေါ့ပေါ့ပါးပါး အပြင်ထွက်လည်မယ့်နေ့မျိုးမှာ ခပ်မိုက်မိုက် street style ၀တ်ဆင်ဖို့ အတွက် သိထားသင့်တဲ့အချက်လေးတွေကို ဖော်ပြပေးလိုက်ပါတယ်။

၁။ ဘယ်တော့မှ မရိုးတဲ့ Jeans
          အချိန်ကာလမရွေး သင့်တင့်လိုက်ဖက်စေတာကတော့ Jeans တွေပဲ ဖြစ်ပါတယ်။ စကတ်နဲ့ဖြစ်ဖြစ်၊ ဘောင်းဘီနဲ့ဖြစ်ဖြစ် နှစ်သက်ရာနဲ့ ကြိုက်သလို တွဲဖက်ဝတ်ဆင်နိုင်တဲ့ အားသာချက်လည်း ရှိပါတယ်။ ခပ်မိုက်မိုက် အထာကျကျ ပုံစံလေးဖြစ်ဖို့  Jeans ကောင်းကောင်းတစ်ထည်တော့ ရှိဖို့လိုအပ်ပါတယ်။

jean

 

၂။ မိမိကိုယ်ပိုင် နှုတ်ခမ်းနီအရောင်
          အမြဲတမ်း သင်ဆိုးတတ်တဲ့ နှုတ်ခမ်းနီအရောင်မျိုး ရှိတဲ့အခါ လူတွေဟာ သင့်ကို ထိုနှုတ်ခမ်းအရောင်မျိုးနဲ့တွဲပြီး မှတ်မိနေ တာမျိုး ဖြစ်တတ်ပါတယ်။ ဒါဟာ စတိုင်လ်ရှိခြင်းရဲ့ အခြေခံအချက်တစ်ခု ဖြစ်ပါတယ်။ မိမိကိုယ်ပိုင် အမှတ်အသားတစ်ခု ဖြစ်စေတဲ့သဘောအနေနဲ့ လူကြားထဲမှာ မိမိကို ပိုမိုထင်ရှားတောက်ပစေတဲ့ နှုတ်ခမ်းနီအရောင်မျိုးကို ရွေးချယ်ပါ။ အရောင်အသစ်တွေကို စမ်းသပ်ကြည့်ဖို့လည်း မကြောက်ရွံ့ပါနဲ့။ ကိုယ်နဲ့ ဘယ်အရောင် အလိုက်ဖက်ဆုံးဆိုတာ သိရဖို့ မတူညီတာတွေကို စမ်းသပ်သုံးစွဲကြည့်သင့်ပါတယ်။lip

 

 

၃။ အကောင်းဆုံး ၀တ်စားဆင်ယင်မှု
          ဘယ်ကိုပဲသွားသွား အတတ်နိုင်ဆုံး၊ အကောင်းဆုံးဖြစ်အောင် ၀တ်ဆင်သွားပါ။ ကိုယ်သွားမယ့်နေရာမှာ ဘယ်လိုလူတွေနဲ့ တွေ့ရမယ်ဆိုတာ မသိနိုင်ပါဘူး။ လူတစ်ယောက်အတွက် ပထမဆုံးတွေ့မြင်ရတဲ့ အသွင်အပြင်ဟာ အလွန်အရေးကြီးပါတယ်။ ဒါကြောင့် လူတွေနဲ့ တွေ့ဆုံရတဲ့အခါ လေးလေးစားစား ဆက်ဆံခံရအောင် သပ်ရပ်ကျနစွာ ၀တ်စားဆင်ယင်သင့်ပါတယ်။best

 

 

၎။ အရောင်တောက်ပမှုကို ရွေးချယ်ပါ။
          တစ်ခြားလူတွေနဲ့ အတူတူပဲ ရောနှောသွားလာရတာ ပျင်းစရာကောင်းပါတယ်။ မိမိကိုယ်ပိုင် စတိုင်လ်၊ အမှတ်အသား ဖြစ်စေမယ့် အရောင်တောက်တောက်လွင်လွင်လေးတွေကို ရွေးချယ်ဝတ်ဆင်ပါ။ ကိုယ်ဝတ်ဆင်ထားတဲ့ အ၀တ်အစားကို ပေါ်လွင်ထင်ရှားအောင် ပြုလုပ်နိုင်တဲ့ နည်းလမ်းများစွာ ရှိပါတယ်။ အလွယ်ကူဆုံးနဲ့ အကောင်းဆုံးနည်းလမ်း တစ်ခုကတော့ အရောင်စိုပြည်တောက်ပတဲ့ accessories တွေ ၀တ်ဆင်ခြင်းပဲ ဖြစ်ပါတယ်။ လည်ဆွဲတွေ၊ လက်စွပ်တွေ၊ လက်ကောက်တွေ အစရှိတာတွေတင်မက နီယွန်ရောင်လို အရောင်တောက်တောက် စကတ်တွေ၊ ဘောင်းဘီတွေကိုလည်း ရွေးချယ်နိုင်ပါသေးတယ်။

bright

 

၅။ ထင်းခနဲ လှပတဲ့ ဖိနပ်တစ်စုံ ထားရှိပါ။
          ဖိနပ်တွေဟာ ၀တ်စားဆင်ယင်မှုတစ်ခုလုံးကို တန်ဖိုးတက်စေသလို ပျက်စီးအောင်လည်း လုပ်ဆောင်နိုင်ပါတယ်။ ခေါင်းအစ ခြေဆုံးထိ ကြည့်ကောင်းနေဖို့ လိုအပ်ပါတယ်။ ဖက်ရှင်ကျလှပတဲ့ အမျိုးသမီးတစ်ယောက်ဖြစ်ဖုိ့ မိမိကို ထင်းခနဲ လင်းခနဲ လှပစေနိုင်တဲ့ ဖိနပ်လှလှလေးတစ်ရန် ရှိထားဖို့ လိုအပ်ပါတယ်။ အရောင်တောက်တောက်ရှုးလေးပဲ ဖြစ်ဖြစ်၊ ဈေးကြီးတဲ့ ဖိနပ်အမျိုးအစားပဲ ဖြစ်ဖြစ် ထင်းခနဲဖြစ်စေတာကို ရွေးချယ်ခြင်းအားဖြင့် သင့်ဝတ်ဆင်မှုကို ပိုပြီးအရှိန်မြှင့်တင် ပေးနိုင်ပါလိမ့်မယ်။

high

 

Source:Aunty May

Read 3435 times
Rate this item
(2 votes)